KʼUTUBʼAL 5

Ri Nimalaj Jabʼ: ¿Xkita konoje ri winaq ri Dios?

Ri winaq pa ri uqʼijol ri Noé lik xkiʼan ri utz taj (Génesis 6:5)

Itzel ángeles xebʼuʼan achijaabʼ y xekʼuliik kuukʼ ixoqiibʼ

Adán y Eva xkʼojiʼ kalkʼoʼaal, y lik xekʼiyarik ri winaq chwach ri Uleew. Tekʼuriʼ jujun chik ángeles xebʼuʼan junaam pachaʼ ri Satanás y xkaj taj xeterej chiriij ri Dios.

Ri ke xeqaj lo chikaaj y xebʼuʼan achijaabʼ ruma xkaj kekʼuliʼ kuukʼ ri ixoqiibʼ. Y xkʼojiʼ kalkʼoʼaal lik itzel kikʼux, lik kʼo kichuqʼaabʼ chikiwach konoje ri winaq.

Jun ixoq rukʼam jun akʼaal, kachay ruma jun alaa; nimaq achijaabʼ, kalkʼoʼal itzel ángeles, xkiʼan itzelaal

Ri Uwachulew xnoj chike winaq na utz ta kikʼux. Ri Biblia kukʼutu ronoje ri Uwachulew xnoj che itzelaal ruma ri winaq lik xkichʼobʼ uʼanik ri na utz taj.

Noé xuta utziij ri Dios y xuʼan jun arca (Génesis 6:13, 14, 18, 19, 22)

Noé are jun achi lik utz ukʼux. Jehová xubʼij che kusachisaj kiwach ri itzel winaq ruukʼ jun nimalaj jabʼ.

Noé y ri ufamilia xkiʼan jun nimalaj kajoon re cheeʼ

Xubʼij che kuʼan jun nimalaj kajoon re cheeʼ utz kakʼojiʼ puwiʼ ri yaʼ, are ri arca. Pa ri arca kebʼukoj bʼi ri ufamilia y kʼi taq chikop.

Noé xubʼij chike ri winaq kape jun Nimalaj Jabʼ, pero ri ke xa xkitzeʼej

Noé xuya ubʼixikiil chike ri winaq che kape jun nimalaj jabʼ, pero xkikoj taj ri xubʼij chike. Kʼo jujun xkitzeʼej, y jujun taq chik lik xpe koyowaal che.

Noé y ri ufamilia xkimolkichiʼ ri chikop, tekʼuriʼ xekikoj bʼi chupa ri kajoon

Noé xukʼis uʼanik ri arca tekʼuriʼ xebʼukoj bʼi ri chikop chupa.