KʼUTUBʼAL 9

¿Jumpa kuʼan choom ri Uwachulew?

Ri kʼaxkʼoliil re ri qʼiij ojkʼo wi kukʼutubʼeej ri Taqanik xa naqaj chik kʼo wi (Lucas 21:10, 11; 2 Timoteo 3:1-5)

Kʼaxkʼoliil kaqil pa ri kʼisbʼal qʼiij ojkʼo wi: etzʼanem ruukʼ pwaq, chʼaʼooj, yabʼiil, numik, akʼalaabʼ kakikoj taj kitziij ri kitaat y ri kinaan, y e chʼayaneel

Ri Biblia xubʼij lo ojeer ri kʼiyaal taq kʼaxkʼoliil ri kojtijin che urilik woʼora. Xukʼutu ri akʼalaabʼ na kikoj ta chi kitziij ri kitaat kinaan, y ri winaq kakirayij ri bʼeyomaal re Uwachulew y lik itzel kikʼux.

Xubʼij kakʼun nimaq taq kabʼraqan, chʼaʼooj, numik y kʼiyaal taq yabʼiil. Pachaʼ kojtijin chi rilik woʼora.

Jun testigo re Jehová kutzijoj ri utzilaj tziij che jun achi

Jesús xubʼij ri utzilaj taq tziij re ri Taqanik re ri Dios kabʼix chike ri winaq re ronoje ri Uwachulew (Mateo 24:14).

Ri Utaqanik ri Dios kuresaj ronoje ri itzelaal (2 Pedro 3:13)

Kasachisax kiwach konoje ri itzel taq winaq pa ri Armagedón, tekʼuriʼ kasachisax kiwach ri Satanás junaam kuukʼ ri demonios

Xa jubʼiʼqʼ chik ri Jehová kusachisaj kiwach konoje ri itzel taq winaq.

Ri demonios kasachisax kiwach junaam ruukʼ ri Satanás.

Jesús katzʼuyiik pa ri kʼolibʼal pa ri kaaj; winaq re jujun taq tinamit kekiʼkotik

Ri kakita ri Dios kekʼasi puwiʼ jun Uwachulew nojinaq che kʼaxnabʼalkʼux, kiʼkotemal y sukʼilaal. Jinta chi junoq kuxiʼij riibʼ. Konoje kikubʼa kikʼux chikiwach y kʼaxkakinaʼ kiibʼ.