La
Yoku Kuɔmi La. David la.
122 I nya benɛ a de mi ke:
“Ha nɛ waa ho Yehowa we ɔ ya” a.
2 Nɛ amlɔ nɛ ɔ, Oo Yerusalem,
Wa nane maa si ngɛ o we agbo ɔmɛ a mi.
3 A ma Yerusalem ma a
Nɛ e tsa kɛ pee kake.
4 Wɛtso ɔmɛ kuɔ kɛ ya ma a mi,
Yah* wɛtso ɔmɛ kuɔ kɛ ho,
Konɛ a ngɔ sina kɛ ya ha Yehowa biɛ ɔ,
Kaa bɔ nɛ kaimi nɛ e kɛ ha Israel ɔ tsɔɔ ɔ.
5 Ejakaa lejɛ ɔ nɛ a kɛ kojomi matsɛ sɛhi,
Nɛ ji David we ɔ matsɛ sɛ ɔmɛ ma.
6 Nyɛ bi tue mi jɔmi ha Yerusalem.
Oo Yerusalem, nihi nɛ suɔ mo ɔ maa hi si slɔkee.
7 Tue mi jɔmi nɛ ya nɔ nɛ e hi he nɛ o ta hwumi kpoku* ɔmɛ ngɛ ɔ,
Nɛ nihi nɛ á hi o mɔhi nɛ a he wa a mi slɔkee.
8 Ye nyɛmimɛ ɔmɛ kɛ ye huɛmɛ ɔmɛ a he je ɔ, ma de ke:
“Tue mi jɔmi nɛ hi o mi.”
9 Yehowa wa Mawu ɔ we ɔ he je ɔ,
Ma hla o nɔ yami.