La

82 Mawu ya da e da he ngɛ e we asafo ɔ kpɛti;*

E kojoɔ ngɛ mawu ɔmɛ* a kpɛti:

 2 “Kɛ yaa si mɛni be nɛ ke nyɛ ngɛ kojoe ɔ, nyɛ be dami sane yee

Nɛ nyɛ ma fĩ yiwutsotsɛmɛ a se? (Sela)

 4 Nyɛ kpɔ̃ nɔ nɛ e ní ngɛ mɔbɔ kɛ ohiatsɛ;

Nyɛ he a yi wami ngɛ yiwutsotsɛmɛ a dɛ mi.”

 5 A li nɛ a nui sisi hulɔ;

A ngɛ nyɛɛe kɛ ngɛ yae kɛ ngɛ bae ngɛ diblii mi;

Zugba a sisi tomi ɔmɛ tsuo ngɛ mimiɛe.

 6 “I de ke, ‘Mawuhi* ji nyɛ,

Nyɛ tsuo nyɛ ji Nɔ Nɛ E Nɔ Kuɔ Pe Kulaa a bimɛ.

 7 Se nyɛ ma gbo kaa bɔ nɛ adesahi gboɔ ɔ;

Nyɛ ma gbo kaa bɔ nɛ ma nikɔtɔmahi gbo ɔ nɔuu!’”

 8 Oo Mawu, tee si nɛ o kojo zugba a,

Ejakaa o níhi ji je ma amɛ tsuo.