SANE BIMI 10
Mɛni Baiblo ɔ wo si kaa e maa ba hwɔɔ se?
“Nihi nɛ peeɔ nɔ́ nɛ da a, zugba a maa pee a nɔ́ nɛ a maa hi nɔ daa.”
“Je ɔ lɛɛ, bɔ nɛ e ngɛ ɔ, jã kɛ̃ e ngɛ; jã kɛ̃ lɛ e maa hi kɛ maa ya neneene.”
“Nyɔmtsɛ Mawu maa ye gbenɔ nɔ kunimi; e ma tsu nɔ tsuaa nɔ hɛ mi vo nyu.”
“Hɛ yuyuili maa hyɛ nɔ́ ekohu, nɛ tuekpokutsɛmɛ maa nu nɔ́. Glɔtsɛmɛ ma hlu kaa odabɔ, nɛ amuɛtihi ma la kɛ bua jɔmi. Pahi maa hia ngɛ nga kplanaa zugba a nɔ.”
“Mawu ma tsu a hɛ mi vo nyu tsuo. Nɔ ko be gboe hu; nɔ ko be kɔmɔ yee hu; nɔ ko be ya foe hu, nɛ nɔ ko be nɔ́ nae hu. Ejakaa ní momo ɔmɛ a se po.”
“A maa po wehi, nɛ mɛ nitsɛmɛ a maa hi mi; a maa pee wai ngmɔhi, nɛ mɛ nitsɛmɛ a maa ye a mi yiblii. A be wehi poe nɛ ni kpahi ba hi mi, nɛ a be ngmɔ pee nɛ ni kpahi ba ye e mi ní. Bɔ nɛ tso nguahi a se kɛɔ ɔ, ja ye ma mi bi ɔmɛ a se maa kɛ ngɛ je mi. A ma ná mɛ nitsɛmɛ a nine nya ní tsumi mi ní maa ye, nɛ a bua maa jɔ a he saminya.”