Hwɔɔmi Mɔ INTANƐTI NƆ NITO HE
Hwɔɔmi Mɔ
INTANƐTI NƆ NITO HE
Dangme
Ɛ
  • ã
  • á
  • ɛ
  • ɛ́
  • ɛ̃
  • ɔ
  • ɔ́
  • í
  • ĩ
  • BAIBLO
  • WOMIHI
  • ASAFO MI KPEHI
  • my ní kasemi 106
  • A Je Mɛ Kɛ Je Tsu Mi

Ngmami nɛ ɔ he video be amlɔ nɛ ɔ.

Wa kpa mo pɛɛ nyagba ko he je ɔ, video ɔ hí jemi.

  • A Je Mɛ Kɛ Je Tsu Mi
  • Ye Womi Nɛ Sɛɛɔ Baiblo Mi Sanehi
  • Munyu Nɛ Ngɛ Kaa Enɛ ɔ
  • Nɔ́ Ko Nyɛ We Nɛ E Tsi A Nya
    Níhi Nɛ O Ma Nyɛ Maa Kase Ngɛ Baiblo ɔ Mi
  • ‘A Ji Nihi Nɛ A Yɛ Sukuu Kɛ Nimli Guhi Kɛkɛ’
    “Ye Mawu Matsɛ Yemi ɔ He Odase Kɛ Pi Si”
  • “E Sa Nɛ Waa Bu Mawu Tue Kaa Nɔ Yelɔ”
    “Ye Mawu Matsɛ Yemi ɔ He Odase Kɛ Pi Si”
  • A Gbe Yesu
    Ye Womi Nɛ Sɛɛɔ Baiblo Mi Sanehi
Ye Womi Nɛ Sɛɛɔ Baiblo Mi Sanehi
my ní kasemi 106
Bɔfo ko nɛ e bli sinya konɛ Yesu bɔfo ɔmɛ nɛ a wo mɛ tsu ɔ nɛ a je kpo

NÍ KASEMI 106

A Je Mɛ Kɛ Je Tsu Mi

HYƐ bɔfo ɔ nɛ bli tsu ɔ sinya nɛ e pɛtɛ he ɔ. Yesu kaseli ji nyumu ɔmɛ nɛ e ha a ngɛ kpo jee ngɛ tsu ɔ mi ɔ nɛ. Ha nɛ waa hyɛ nɔ́ nɛ ha a wo mɛ tsu ɔ.

Be bɔɔ pɛ ji nɛ ɔ nɛ́ a plɛ mumi klɔuklɔu ɔ kɛ pue Yesu se nyɛɛli ɔmɛ a nɔ. Nɛ nɔ́ nɛ ba ji nɛ ɔ nɛ: Petro kɛ Yohane yaa sɔlemi we ɔ ngɛ Yerusalem ligbi ko piani. A na nyumu ko nɛ e ji obubuafo kɛ je benɛ a fɔ lɛ nɛ e hii si ngɛ agbo ɔ nya. Nihi ngɔɔ lɛ kɛ ya hii lejɛ ɔ daa ligbi, konɛ e ba sika ngɛ nihi nɛ baa sɔlemi we ɔ a dɛ. Benɛ e na Petro kɛ Yohane ɔ, e kpa mɛ pɛɛ kaa a ha lɛ nɔ́ ko. Kɛ kaseli ɔmɛ maa pee kɛɛ?

A da si nɛ a hyɛ nyumu nɛ e ní ngɛ mɔbɔ nɛ ɔ. Kɛkɛ nɛ Petro de lɛ ke: ‘I be sika, se ma ha mo nɔ́ nɛ i ngɛ ɔ. Ngɛ Yesu biɛ mi ɔ, tee si nɛ o nyɛɛ!’ Kɛkɛ nɛ Petro pɛtɛ e hiɔ nine he, nɛ amlɔ nɔuu nɛ e te kɛ da si nɛ e bɔni nyɛɛmi. Benɛ nihi na enɛ ɔ, a nya kpɛ a he, nɛ a bua jɔ hulɔ ngɛ nyakpɛ nɔ́ nɛ ɔ he.

Petro de mɛ ke: ‘Mawu nɛ́ tle Yesu si kɛ je gbeje ɔ he wami nɛ wa kɛ pee enɛ ɔ nɛ.’ Benɛ e kɛ Yohane kɛ ni ɔmɛ ngɛ munyu ɔ tue ɔ, jami hɛ mi nyɛɛli komɛ ba lejɛ ɔ. A mi mi fu ejakaa Petro kɛ Yohane ngɛ ni ɔmɛ dee kaa a tle Yesu si kɛ je gbeje. Lɔɔ he ɔ, a nu mɛ nɛ a wo mɛ tsu.

E nɔ jena a, jami hɛ mi nyɛɛli ɔmɛ pee kpe ngua ko. Nɛ a ya ngɔ Petro kɛ Yohane, kɛ nyumu ɔ nɛ a tsa lɛ ɔ kɛ ba lejɛ ɔ. Jami hɛ mi nyɛɛli ɔmɛ bi mɛ ke: ‘Mɛnɔ ha nyɛ he wami nɛ nyɛɛ kɛ pee nyakpɛ nɔ́ nɛ ɔ?’

Petro de mɛ ke Mawu nɛ́ tle Yesu si kɛ je gbeje ɔ he wami nya nɛ a pee ja ngɛ. Osɔfo ɔmɛ li bɔnɛ a maa pee ha, ejakaa a be nyɛe maa je nyakpɛ nɔ́ nɛ a pee nɛ ɔ he atsinyɛ. Lɔɔ he ɔ, a bɔ kaseli ɔmɛ kɔkɔ kaa a ko sɛɛ Yesu Kristo he ní hu, nɛ a ngmɛɛ a he.

Kaseli ɔmɛ ya nɔ nɛ a fiɛɛ Yesu he sane nɛ a tsa nihi. Nyakpɛ ní nɛ ɔmɛ a he sanehi gbɛ fia. Lɔɔ he ɔ, nimli babauu je ma amɛ nɛ bɔle Yerusalem ɔ mi nɛ a ngɔ a hiɔtsɛmɛ kɛ ba konɛ kaseli ɔmɛ nɛ tsa mɛ. Enɛ ɔ ha osɔfo ɔmɛ je a he hunga, nɛ a nu kaseli ɔmɛ kɛ wo tsu. Se a se kɛ we ngɛ tsu ɔ mi.

Jamɛ a nyɔ ɔ mi ɔ, Mawu bɔfo ba bli tsu ɔ sinya a, kaa bɔnɛ o na ngɛ hiɛ ɔ. Bɔfo ɔ de mɛ ke: ‘Nyɛɛ ya sɔlemi we ɔ nɛ nyɛ ya tsa nyɛ fiɛɛmi ɔ nɔ.’ E nɔ jena, benɛ osɔfo ɔmɛ tsɔ nihi kɛ ya tsu ɔ mi konɛ a ya ngɔ kaseli ɔmɛ kɛ ba a, a be tsu ɔ mi. Pee se ɔ, a ya na mɛ ngɛ sɔlemi we ɔ nɛ a ngɛ nihi ní tsɔɔe. Nɛ a nu mɛ kɛ ba Kpe Ngua a hɛ mi.

Osɔfo ɔmɛ de mɛ ke: ‘Wa wo nyɛ si veveeve kaa nyɛ ko tsɔɔ ní ngɛ Yesu biɛ mi hu. Se nyɛ ha Yerusalem hyi tɔ kɛ nyɛ tsɔɔmi ɔ.’ Kɛkɛ nɛ kaseli ɔmɛ ha heto ke: ‘E sa kaa waa bu Mawu tue kaa nɔ yelɔ mohu pe nimli.’ Lɔɔ he ɔ, a ya nɔ nɛ a fiɛɛ “sane kpakpa” a. Anɛ enɛ ɔ pi nɔhyɛ nɔ́ kpakpa nɛ e sa kaa waa nyɛɛ se lo?

Bɔfo ɔmɛ A Ní Tsumi yi 3 kɛ ya si 5.

Sane Bimihi

    Dangme Womihi Tsuo (2000-2025)
    Moo Je Mi
    Moo Sɛ Mi
    • Dangme
    • Kɛ Mane
    • Bɔ Nɛ O Suɔ Lɛ Ha
    • Copyright © 2025 Watch Tower Bible and Tract Society of Pennsylvania
    • E He Mlaahi
    • Laami Sanehi A He Mlaahi
    • Laami Sanehi A He Blɔ Nya Tomi
    • JW.ORG
    • Moo Sɛ Mi
    Kɛ Mane