Nɔ́ Nɛ Haa Nɛ

EKU Ɔ ji blɔ nya ko nɛ a to kɛ ha adesahi nɛ e se kɛ pe kulaa, se mwɔnɛ ɔ, weku ɔ kɛ haomihi ngɛ kpee. Haomi nɛ ɔmɛ ekomɛ ji, jokuɛwi nɛ a ye kɛ je jeha 13 kɛ ya si 19 nɛ a kɛ tsopa yaya tsuɔ ní, nɛ a kɛ a he woɔ je mi bami yaya ní peepeehi a mi, gba mi pomi kɛ nihi nɛ a peeɔ mɛ yi wu tso ní ngɛ weku ɔ mi, fɔlɔ kake wekuhi a he nɛ ngɛ hiɛe, kɛ ekpahi. Enɛ ɔ he ɔ, ni komɛ he we yi kaa weku ɔ maa hi si daa.

Ngɛ haomi nɛ ɔmɛ tsuo se ɔ, anɛ wa ma nyɛ maa na weku ko nɛ e mi bimɛ susuɔ a sibi a he, nɛ a buu a sibi a he, nɛ a woɔ a sibi he wami lo? Ee, ke jamɛ a weku ɔ mi bimɛ le nɔ́ tutuutu nɛ haa nɛ bua jɔmi hii weku mi. A kɛ jamɛ a nɔ́ ɔ laa we wɔ. Nihi kɛ tsu ní jeha lafahi abɔ nɛ a ye manye. Mɛni ji jamɛ a nɔ́ ɔ? A tsɔɔ jamɛ a nɔ́ ɔ ngɛ womi nɛ ɔ nɛ e biɛ ji, Nɔ́ Nɛ Haa Nɛ Bua Jɔmi Hii Weku Mi ɔ mi. Jehanɛ nɛ se hu ɔ, a kɛ nɔ hyɛmi níhi babauu nɛ ma nyɛ maa ye bua wekuhi tsu ní ngɛ womi nɛ ɔ mi. Nɔ hyɛmi ní nɛ ɔmɛ ma nyɛ maa ye bua nihi konɛ a nyɛ nɛ a tsu haomihi nɛ a mi wa nɛ a kɛ kpeɔ ngɛ a wekuhi a mi ɔ fuu a he ní. Mwɔnɛ ɔ, anɛ nɔ ko ngɛ nɛ e hia we munyu ko kaa kikɛ ɔ lo?