Ni Kasemi 12
Bu nɛ A Kɛ Haa Wami kɛ Muɔ
Kɛ e sa nɛ wa bu wami yi bami kɛɛ? (1) hɔ jemi? (1)
Kliistofohi suɔ nihi a yi baa mi ngɛ mini blɔ nɔ? (2)
E ji tɔmi kaa a maa gbe lohwehi lo? (3)
Mini ji ni peepee komɛ nɛ tsɔ we bu nɛ a ngɛ kɛ ha wami? (4)
Mini ji Mawu mla ngɛ muɔ he? (5)
Anɛ muɔ nɛ agblaa kɛ woɔ nɔmlɔ mi ɔ piɛ he lo? (6)
1. Yehowa ji wami Je He. Nihi tsuo nɛ a hɛ ngɛ a yi wami nami je Mawu ngɔ. (Lala 36:9) Wami ngɛ klɔuklɔu kɛ ha Mawu. Bi nɛ a fɔ we lɛ lolo ngɛ e nyɛ mimi ɔ po wami he jua wa kɛ ha Yehowa. Bi nɛ ngɛ wae kaa kikɛ nɛ a maa bua nɛ a maa gbe lɛ dɛ ngɛ Mawu hɛ mi.—2 Mose 21:22, 23; Lala 127:3.
2. Anɔkuale Kliistofohi hɛ ngɛ a he nɔ konɛ a baa nɔ yi. A hyɛ kaa a lɔlehi kɛ a wehi maa baa nɔ wami yi. (5 Mose 22:8) Mawu sɔmɔli kɛ a he wui oslahi a mi ya ka gu ngɛ fiɛmi aloo buajɔ nami kɛkɛ he je. Lɔɔ he je ɔ, a kɛ a he wui a-ka-nɛ-a-hyɛ nɛ a peeɔ yimi wami nihi ngɛ mi nɛ a bua nɛ a kɛ ye ɔ nimli kpahi awi ɔ mi. A kua hɛja jemi nɛ woɔ yimi wami ni peepee he he wami ɔ mɛ.—Lala 11:5; Yohane 13:35.
3. Lohwehi a wami hu ngɛ klɔuklɔu kɛ ha Bɔlɔ. Kliistofo no ma nyɛ maa gbe lohwehi kɛ pee niye ni kɛ he ha nɔ aloo he bumi nɔ kɛ je hiɔ kɛ osla he. (1 Mose 3:21; 9:3; 2 Mose 21:28) Se eji yayami peemi kaa a ma wa lohwehi a yi mi aloo a ma gbe mɛ kɛ fiɛ kɛkɛ.—Abɛi 12:10.
4. Tsapi Kliistofohi a ni peepee ji taba numi, betel ngmɛ kpemi, kɛ tsupa nɛ a ma nu kɛ ha buajɔ nami. Ni peepee nɔ mɛ ji yayami peemi ejakaa (1) a ngɔ ɔ wɔ nyɔguɛ, (2) a ye ɔ wa nɔmlɔ tso ɔmɛ awi, nɛ (3) a he tsɔ we. (Romabi 6:19; 12:1; 2 Korintobi 7:1) Subai nɔ mɛ a he ngmee mi yee waa nitsɛ. Se e sa nɛ wa pee ja konɛ wa sa Yehowa hɛ mi.
5. Muɔ hu ngɛ klɔuklɔu ngɛ Mawu hɛ mi. Mawu de kɛ susuma aloo wami ɔ ngɛ muɔ mi. Lɔɔ he ɔ, e dɛ kaa a maa ye muɔ. E dɛ kaa a maa ye lohwe nɛ a pui e kuɔ si nɛ e muɔ ma pue zugba mi. Ke a kika lohwe ko aloo e du klama nɛ e gbo ɔ, e sɛ nɛ a ye. Ke a kɛ akplɔ loo tu lɛ gbe lɛ ɔ, e sa nɛ a po e kuɔ si ma nɛ e muɔ pue si ke a maa ye lo ɔ.—1 Mose 9:3, 4; 3 Mose 17:13, 14; Bɔfoi Asane 15:28, 29.
6. Anɛ e dɛ kaa a maa gbla muɔ kɛ wo nɔmlɔ ko mi lo? O kai kaa, Yehowa ngɛ hlae nɛ wa je wa he kɛ je muɔ he. E nɔ tsɔɔ kaa wa ko ngɔ ni kpahi a muɔ aloo wɔ ni tsɛmɛ wa muɔ nɛ a je kɛ to kɛ wo wa nɔmlɔ tso ɔ mi ngɛ blɔ ko blɔ ko kulaa nɔ. (Bɔfoi Asane 21:25) Lɔɔ he ɔ, anɔkuale Kliistofohi be muɔ nɛ a gbla kɛ wo ɔ nɔ mi ɔ nɔ kplɛe. A maa kplɛ tsupa kpahi nɛ a kɛ maa tsa mɛ nɔ, tsupahi nɛ muɔ bemi nɛ a gblaa kɛ woɔ nɔmlɔ tso ɔ mi ɔ. A suɔ nɛ a hi si, se a bɔɛ mɔde kaa a maa baa mɛ nitsɛmɛ a yi kɛ gu Mawu mla nɛ a maa tɔ nɔ nɔ.—Mateo 16:25.
[Fonihi ngɛ ba fa 25]
Ke wa maa sa Mawu hɛ mi ɔ, e sa nɛ wa nyɛ muɔ nɛ a gbla kɛ woɔ nɔmlɔ tso ɔ mi ɔ, subai nɛ he tsɔ we, kɛ oslahi nɛ sɛ