Ni Kasemi 16

O Yi Mi Nɛ O To kaa O Ma Ja Mawu

Mini e sa nɛ o pee konɛ o pee Mawu huɛ? (1, 2)

Mini blɔ nɔ o maa gu kɛ jɔɔ o he nɔ kɛ ha Mawu? (1)

Mini be e sa nɛ a baptisi mo? (2)

Kɛ o maa pee kɛɛ kɛ na he wami kɛ hi si kaa anɔkuafo kɛ ha Mawu? (3)

1. Be nɛ pee ha konɛ o pee Mawu huɛ ɛ, e sa nɛ o na Baiblo ɔ mi anɔkuale ɔ he ni lemi kpakpa (1 Timoteo 2:3, 4), o na hemi kɛ yemi ngɛ nihi nɛ o kase ɔ mi (Hebribi 11:6), o tsake o tsui kɛ je o he yayami a he (Bɔfohi Asane 17:30, 31), nɛ o kpale o se kɛ je o si himi blɔ momo ɔ nɔ. (Bɔfohi Asane 3:19) E sa nɛ o suɔmi kɛ ha Mawu ɔ gbla mo nɛ o jɔɔ o he nɔ kɛ ha lɛ. E nɔ tsɔɔ kaa o maa de lɛ ngɛ kɔkɔɔ mi sɔlemi mi kaa o kɛ o he ngɛ lɛ hae kaa o maa tsu e suɔmi nya ni.—Mateo 16:24; 22:37.

2. Ke o jɔɔ o he nɔ kɛ ha Mawu se ɔ, e sa nɛ o ha a baptisi mo. (Mateo 28:19, 20) Baptisimi ha nɔ tsuaa nɔ leɔ kaa o jɔɔ o he nɔ kɛ ha Yehowa. Lɔɔ he je ɔ, baptisimi ngɛ kɛ ha nimli nɛ a wa benɛ sa nɛ a ma nyɛ maa to a yi mi kaa a maa sɔmɔ Mawu. Ke a maa baptisi nɔ ko ɔ, e sa nɛ a kɛ e nɔmlɔ tso ɔ tsuo wo nyu sisi be kpitio ko.a—Marko 1:9, 10; Bɔfohi Asane 8:36.

3. Ngɛ o he nɔ jɔɔmi ɔ se ɔ, Yehowa maa hyɛ blɔ kaa o maa hi si ngɛ o si wo mi ɔ nya. (Lala 50:14; Jajelɔ 5:4, 5) Abosiami maa bɔ mɔde kaa e maa tsi o nya konɛ o ko sɔmɔ Yehowa. (1 Petro 5:8) Se hɛɛ mo kɛ su Mawu he ngɛ sɔlemi mi. (Filipibi 4:6, 7) O kase e Munyu ɔ daa ligbi. (Lala 1:1-3) O kɛ o he bɔ asafo ɔ he gbagblaa. (Hebribi 13:17) Ke o pee e nɔ mɛ tsuo ɔ, o maa na he wami kɛ hi si kaa anɔkuafo kɛ ha Mawu. O ma nyɛ maa gu blɔ nɔ nɔ kɛ pee nɔ tsuaa nɔ nɛ Mawu ngɛ hlae ngɛ o dɛ kɛ ya neneene!

[Sisi ningma]