FÃ 14

Mɛni Blɔ Nɔ O Maa Gu Kɛ Tsɔɔ Kaa O Yeɔ Yehowa Anɔkuale?

Mo fĩ Mawu se. 1 Petro 5:6-9

Kristofo no ko nɛ e sume nɛ e kɛ e he maa wo lakpa jami kɛ ma kudɔmi sanehi a mi

Koo ngɔ o he kɛ wo kusumihi nɛ Baiblo ɔ kplɛɛ we nɔ ɔ a mi. E biɔ mɔde bɔmi loko o ma nyɛ maa pee jã.

Koo ngɔ o he kɛ wo ma kudɔmi sanehi a mi; ma kudɔli fi we Yehowa kɛ e Matsɛ Yemi ɔ se.

Moo pee juɛmi nɛ da kaa o maa bu Mawu tue. Mateo 7:24, 25

Nyumu ko nɛ e ya asafo mi kpe ngɛ Matsɛ Yemi Asa ko nɔ, nɛ e ha nɛ Yehowa Odasefo no ko kɛ lɛ kase Baiblo ɔ

O kɛ Yehowa Odasefohi nɛ bɔ; a maa ye bua mo nɛ o hɛ mo kɛ su Mawu he.

Moo ya nɔ nɛ o kase Mawu he ní nɛ o bɔ mɔde kaa o maa ye e mlaa amɛ a nɔ.

Nyumu ko nɛ e sɔle nɛ e jɔɔ e he nɔ kɛ ha Yehowa, nɛ pee se ɔ, e ha nɛ a baptisi lɛ

Ke o hemi kɛ yemi ɔ mi ba wa a, e sa nɛ o jɔɔ o wami nɔ kɛ ha Yehowa nɛ o ha nɛ a baptisi mo.—Mateo 28:19.

Moo bu Mawu tue. Moo kane Baiblo ɔ, nɛ o de Yehowa Odasefohi nɛ a ye bua mo nɛ o nu sisi. Lɔ ɔ se ɔ, ngɔɔ nɔ́ nɛ o kase ɔ kɛ tsu ní. Ke o pee jã a, o maa hi si kɛ ya neneene.—La 37:29.