Bɔ Nɛ O Ma Plɛ Kɛ Ná Womiyo Nɛ ɔ He Se Ha:

Womiyo nɛ ɔ maa ye bua mo konɛ o bua nɛ jɔ Mawu Munyu nɛ ji Baiblo ɔ nɛ o maa kase ní kɛ je mi tɛɛ ɔ he. Ngmamihi nɛ a ngma ngɛ kuku tsuaa kuku nyagbe ɔ ji he nɛ o maa na sane bimihi nɛ a ngma mɛ agboagbo ɔ a hetohi ngɛ, ngɛ mo nitsɛ o Baiblo ɔ mi.

Ke o ngɛ Baiblo ngmami nɛ ɔmɛ kanee ɔ, mo susu bɔ nɛ ngmami ɔ haa sane bimi nɛ ɔmɛ a heto ha a he. Yehowa Odasefo ɔmɛ a ti nɔ tsuaa nɔ bua maa jɔ he kaa e maa ye bua mo konɛ o nu nɔ́ nɛ Ngmami ɔ tsɔɔ ɔ sisi.​—Kane Luka 24:32, 45.