Fɔli Nɛ A Kadi

Mɛni ji nike ní nɛ hi pe kulaa nɛ o ma nyɛ ma ha o bimɛ? A hia níhi fuu, nɛ ekomɛ ji suɔmi, blɔ tsɔɔmi, kɛ he piɛ pomi. Se, nike ní nɛ he jua wa pe kulaa nɛ o kɛ ma ha o bimɛ ji, nɛ o maa tsɔɔ mɛ Yehowa he ní, kɛ anɔkualehi nɛ ngɛ e Munyu nɛ ji Baiblo ɔ mi ɔ. (Yohane 17:3) Nile nɛ ɔ maa ye bua o bimɛ ɔmɛ nɛ a maa wa nɛ a ma ba suɔ Yehowa, nɛ a maa je a tsui mi kɛ sɔmɔ lɛ kɛ je a jokuɛwi a si po.​—Mateo 21:16.

Fɔli fuu na kaa jokuɛ tsɔwi a bua jɔɔ nikasemihi nɛ a ngɛ kpiti he. Enɛ ɔ he ɔ, wa bua jɔ kaa wa pee womi nɛ ɔ nɛ e biɛ ji, Ye Baiblo Kasemi Womi ɔ. A pee nikasemi ɔmɛ konɛ a kɛ tsɔɔ ní ngɛ blɔ nɛ he wɛ nɔ. A pee fonihi nɛ ngɛ womi ɔ mi ɔ, nɛ a ngma e mi munyu ɔ kɛ ha jokuɛwi nɛ a ye jeha etɛ kɛ ni nɛmɛ nɛ a sui jã titli. A tsɔɔ blɔ nɔ nɛ nyɛ maa gu kɛ pee nikasemi ɔ ngɛ womi ɔ mi. Pi jokuɛwi a fiɛmi nɔ́ ji Ye Baiblo Kasemi Womi ɔ. Mohu ɔ, a pee kɛ ha fɔli nɛ a kɛ a bimɛ ɔmɛ nɛ a kane konɛ a nyɛ nɛ a kɛ mɛ nɛ sɛɛ ní.

Wa he ye kaa womi nɛ ɔ maa ye bua nyɛ konɛ nyɛɛ tsɔɔ nyɛ bimɛ ɔmɛ Baiblo mi anɔkuale ɔmɛ kɛ je a “jokuɛ mi tɔɔ.”​—2 Timoteo 3:14, 15.

Nyɛ Nyɛmimɛ,

Yehowa Odasefoli A Blɔ Tsɔɔmi Ajla Toli