Fã 4 ɔ Nya Blimi Munyu

Ngɛ fã nɛ ɔ mi ɔ, wa maa kase Yosɛf, Hiob, Mose, kɛ Israel bi ɔmɛ a he ní. Abosiami ngɔ haomi slɔɔtohi kɛ ba mɛ tsuo a nɔ. A ti ni komɛ ya pee nyɔguɛhi, a wa ni komɛ yi mi, a wo ni komɛ tsu, nɛ a ti ni komɛ a suɔli gbo. Se Yehowa gu blɔ slɔɔtohi a nɔ kɛ ye bua mɛ. Ke fɔlɔ ji mo ɔ, ha o bi ɔ nɛ na bɔ nɛ a wa Yehowa sɔmɔli nɛ ɔmɛ yi mi ha, se a ngmɛɛ we a hemi kɛ yemi ɔ he ɔ.

Yehowa ngɔ Haomi Nyɔngma amɛ kɛ ba Ijipt bi ɔmɛ a nɔ kɛ tsɔɔ kaa e ngɛ he wami kulaa pe Ijipt mawu ɔmɛ tsuo. Ha o bi ɔ nɛ na bɔ nɛ Yehowa bu e we bi a he blema, kɛ bɔ nɛ e peeɔ jã ha mwɔnɛ ɔ.