He Nɔ Jɔɔmi
Mɛni he je nɛ wa jɔɔ wa he nɔ kɛ haa Yehowa Mawu ɔ?
5Mo 6:5; Luk 10:25-28; Kpj 4:11
Moo hyɛ 2Mo 20:5 ɔ hulɔ
Ke wa suɔ nɛ wa sɔmɔ Mawu ɔ, lɛɛ kɛ e sa nɛ waa na Baiblo ɔ ha kɛɛ?
Mɛni e sa nɛ wa yɔse ngɛ blɔ nɔ nɛ Mawu guɔ kɛ yeɔ bua wɔ konɛ wa nyɛ nɛ waa yu wa he ngɛ yayami he ɔ he?
Mɛni e biɔ nɛ waa pee ke wa suɔ nɛ waa kpale wa se ngɛ yayami nɛ wa pee be ko nɛ be ɔ he?
Baiblo mi nɔ hyɛmi níhi nɛ maa ye bua wɔ:
Luk 19:1-10—Zakeo nɛ e ji tó tsulɔ nɔkɔtɔma a tsake e tsui ngɛ anɔkuale nɛ e yí ɔ he, nɛ e kpale sika nɛ e ngɔ ngɛ ni ɔmɛ a dɛ ɔ ngɔ ha mɛ
1Ti 1:12-16—Bɔfo Paulo tsɔɔ blɔ nɔ nɛ e gu kɛ kpale e se ngɛ e yayami ɔmɛ a he, kɛ bɔ nɛ Mawu je mi mi jɔmi mi nɛ e kɛ ke lɛ kɛ gu Kristo nɔ ha a
Ke wa suɔ kaa wa kpa je mi bami yaya ko ɔ, mɛni nɔ́ kpa ko hu nɛ e sa nɛ waa pee?
Mɛni je mi bami he mlaahi nɛ e sa nɛ wa kɛ tsu ní bɔ nɛ pee nɛ wa nyɛ nɛ wa sɔmɔ Mawu nɛ waa sa e hɛ mi?
1Ko 6:9-11; Kol 3:5-9; 1Pe 1:14, 15; 4:3, 4
Baiblo mi nɔ hyɛmi níhi nɛ maa ye bua wɔ:
1Ko 5:1-13—Bɔfo Paulo kɛ blɔ tsɔɔmi ha Korinto asafo ɔ kaa a je nɔ nɛ kɛ e he maa wo ajuama bɔmi mi ɔ kɛ je a kpɛti
2Ti 2:16-19—Bɔfo Paulo bɔ Timoteo kɔkɔ kaa e yu e he kɛ je hemi kɛ yemi kuali nɛ a gbɛɛ a munyu kɛ fĩa a kaa pa yaya a he
Mɛni he je nɛ e sɛ nɛ Mawu sɔmɔli nɛ a fĩ je nɛ ɔ mi nɔ yeli ɔmɛ a se ɔ?
Baiblo mi nɔ hyɛmi níhi nɛ maa ye bua wɔ:
Yo 6:10-15 —Benɛ Yesu gu nyakpɛ blɔ nɔ kɛ lɛ asafo babauu ko ɔ, ni ɔmɛ bɔ mɔde kaa a ma wo lɛ matsɛ, se e kua
Yo 18:33-36—Yesu tsɔɔ kaa e Matsɛ Yemi ɔ kɛ je nɛ ɔ mi matsɛ yemi ɔmɛ be nɔ́ ko peemi
Mɛni blɔ nɔ nɛ mumi klɔuklɔu ɔ guɔ kɛ yeɔ bua wɔ konɛ wa nyɛ nɛ wa sɔmɔ Mawu?
Moo hyɛ Nít 20:28; Efe 5:18 ɔ hulɔ
Baiblo mi nɔ hyɛmi nɔ́ nɛ maa ye bua wɔ:
Nít 15:28, 29—Benɛ e he ba hia kaa blɔ tsɔɔmi ajla toli nɛ a hi Yerusalem ɔ nɛ a muɔ yi mi kpɔ ngɛ nɔ pomi he ɔ, mumi klɔuklɔu ɔ ye bua mɛ
Mɛni he je nɛ e sa nɛ waa kase blɔ nɔ nɛ Yesu gu kɛ sɔmɔ Mawu ɔ?
Mɛni he je nɛ e sa nɛ a baptisi Kristofohi nɛ a jɔɔ a he nɔ ɔ?
Mat 28:19, 20; Nít 2:40, 41; 8:12; 1Pe 3:21
Baiblo mi nɔ hyɛmi níhi nɛ maa ye bua wɔ:
Mat 3:13-17—Yesu ba zugba a nɔ konɛ e ba pee e Tsɛ ɔ suɔmi nya ní, nɛ e ngɔ baptisimi kɛ ma nɔ mi
Nít 8:26-39—Etiopia nɔkɔtɔma ko nɛ e jaa Yehowa a suɔ kaa a baptisi lɛ benɛ e kase anɔkuale nɛ kɔɔ Yesu Kristo he ɔ