Ní Tsumi
Mɛni tsakpa lɛ ngɛ ní tsumi kɛ bua jɔmi a kpɛti?
Mɛni se namihi lɛ jeɔ ní nɛ a tsuɔ lɛ saminya a mi kɛ baa?
Baiblo mi nɔ hyɛmi níhi nɛ maa ye bua wɔ:
1Sa 16:16-23—A tu niheyo David he munyu kaa e he be kɛ saku fiami, nɛ e la a haa nɛ Israel matsɛ ɔ he mi jɔɔ lɛ, nɛ lɔ ɔ ha nɛ e bua jɔ David he
2Kr 2:13, 14—Hiram-abi ji ga ní tsulɔ nɛ he be, nɛ Matsɛ Salomo kɛ lɛ tsu ní ngɛ sɔlemi we ɔ ní tsumi ɔ mi
Mɛni he je nɛ Yehowa sɔmɔli suɔ kaa a le mɛ kaa nihi nɛ a tsuɔ ní wawɛɛ ɔ?
Baiblo mi nɔ hyɛmi níhi nɛ maa ye bua wɔ:
1Mo 24:10-21—Rebeka ye bua Abraham tsɔlɔ ɔ, nɛ e pee babauu pe nɔ́ nɛ e bi lɛ ɔ po kɛ tsɔɔ kaa e hɛ mi wa kɛ ní tsumi
Flp 2:19-23—Bɔfo Paulo ngɔ ní tsumi nɛ he hia kɛ wo Timoteo dɛ ejakaa e baa e he si nɛ e suɔ kaa e ma tsu ní wawɛɛ
Mɛni he je nɛ Mawu sɔmɔli sume kaa a maa pee hejɔ̃ ɔ?
Abɛ 13:4; 18:9; 21:25, 26; Fiɛ 10:18
Baiblo mi nɔ hyɛmi nɔ́ nɛ maa ye bua wɔ:
Abɛ 6:6-11—Matsɛ Salomo ngɔ tatu kɛ pee nɔ hyɛmi nɔ́ kɛ tsɔɔ kaa e sa nɛ wa tsu ní wawɛɛ nɛ wa ko pee hejɔ̃
Mɛni he je nɛ e sa nɛ wa tsu ní wawɛɛ konɛ wa nine nɛ su wa hiami níhi a nɔ ɔ?
Mɛni he je nɛ e sa nɛ wa tsu ní wawɛɛ konɛ waa hyɛ wa weku mi bimɛ a nɔ ɔ?
Baiblo mi nɔ hyɛmi níhi nɛ maa ye bua wɔ:
Rut 1:16, 17; 2:2, 3, 6, 7, 17, 18—Rut nɛ e ji yalɔyo ɔ tsu ní wawɛɛ kɛ hyɛ e nganyɛ Naomi nɔ
Mat 15:4-9—Yesu kã nihi nɛ a ngɔɔ Mawu jami kɛ jeɔ a nya nɛ a hyɛ we a fɔli a nɔ ɔ a hɛ mi
Mɛni he je nɛ e sa kaa wa ha nihi nɔ́ nɛ wa náa kɛ jeɔ wa ní tsumi mi ɔ eko ɔ?
Kɛ e sa nɛ waa na sika nɛ wa nine suɔ nɔ ngɛ wa ní tsumi mi ɔ ha kɛɛ?
Kɛ wa plɛ kɛ le kaa Yehowa suɔ nɛ wa tsu ní saminya nɛ wa kɛ hyɛ wa he ha kɛɛ?
Mat 6:25, 30-32; Luk 11:2, 3; 2Ko 9:10
Baiblo mi nɔ hyɛmi níhi nɛ maa ye bua wɔ:
1Mo 31:3-13—Laban kɛ Yakob hí si saminya, se Yehowa na kaa Yakob tsuɔ ní wawɛɛ nɛ e jɔɔ lɛ
1Mo 39:1-6, 20-23—Yehowa jɔɔ Yosef ní tsumi nɔ benɛ e ji nyɔguɛ ngɛ Potifar we ɔ mi kɛ benɛ a wo lɛ tsu ɔ tsuo
Mɛni he je nɛ e sɛ nɛ wa ní tsumi he nɛ hia wɔ pe Mawu jami ɔ?
Baiblo mi nɔ hyɛmi níhi nɛ maa ye bua wɔ:
Luk 12:15-21—Yesu kɛ nɔ́ he tomi nɔ́ ko tsu ní kɛ tsɔɔ kaa nile be mi kaa waa kɛ he lo nya níhi maa ye kekleekle blɔ he
1Ti 6:17-19—Bɔfo Paulo bɔ Kristofohi niatsɛmɛ kɔkɔ ngɛ oslaa nɛ ngɛ he nɔ womi he ɔ he, nɛ e wo mɛ he wami kaa a pee “niatsɛmɛ ngɛ ní tsumi kpakpahi a mi”
Mɛni sisi tomi mlaahi nɛ maa ye bua wɔ ke wa ngɛ ní tsumi nɛ wa ma tsu he susue?
2Mo 20:4; Nít 15:29; Efe 4:28; Kpj 21:8—Anɛ ní tsumi ɔ ma bi nɛ i kɛ ye he nɛ wo ní peepeehi nɛ Mawu sume ɔ mi lo?
2Mo 21:22-24; Yes 2:4; 1Ko 6:9, 10; 2Ko 7:1—Anɛ ní tsumi ɔ woɔ ní peepeehi nɛ Mawu sume ɔ mi he wami nɛ́ lɔ ɔ maa hao ye he nile lo?
Ro 13:1-7; Tit 3:1, 2—Anɛ ní tsumi ɔ ma bi nɛ ma tɔ̃ ma a mlaa nɔ lo?
2Ko 6:14-16; Kpj 18:2, 4—Anɛ ní tsumi ɔ ma ha nɛ ma fĩ aloo ma piɛɛ lakpa jami he ngɛ blɔ ko nɔ lo?
Ní nɛ wa ma tsu ha Yehowa
Mɛni ní tsumi nɛ́ he hia nɛ Kristofohi kɛ a he ma nyɛ maa wo mi?
Mɛni he je nɛ wa suɔ kaa waa kɛ wa nyɛmi tsuo nɛ sɔmɔ Yehowa a?
Luk 13:24; Ro 12:11; 1Ko 15:58; Heb 6:10-12
Moo hyɛ 1Ti 3:1 ɔ hulɔ
Mɛni he je nɛ e sɛ nɛ waa ngɔ nɔ́ nɛ wa nyɛ tsuɔ ngɛ Yehowa sɔmɔmi mi ɔ kɛ to ni kpahi a nɔ́ ɔ he ɔ?
Baiblo mi nɔ hyɛmi níhi nɛ maa ye bua wɔ:
Mat 25:14, 15—Yesu nɔ́ he tomi nɔ́ ɔ tsɔɔ kaa e hyɛ we blɔ kaa e sɔmɔli kɛ nyɛmi kake nɛ tsu ní tsumi nɛ e kɛ wo a dɛ ɔ
Luk 21:2-4—Yesu je hɛsa kpo ngɛ yemi kɛ buami nyafii nɛ yalɔyo ohiatsɛ ko kɛ ha a he
Jije wa náa he wami nɛ wa hia konɛ wa nyɛ nɛ wa tsu ní tsumi nɛ a kɛ wo wa dɛ ngɛ Yehowa sɔmɔmi mi ɔ kɛ jeɔ?
2Ko 4:7; Efe 3:20, 21; Flp 4:13
Baiblo mi nɔ hyɛmi níhi nɛ maa ye bua wɔ:
2Ti 4:17—Bɔfo Paulo ha nɛ wa na kaa be fɛɛ be nɛ e maa hia he wami womi ɔ, e nine suɔ nɔ