Mi Ní

Ke e peeɔ wɔ kaa wa be nyɛe maa da nyagbahi nɛ waa kɛ kpee ɔmɛ a nya a, mɛni wa ma nyɛ maa pee? Ngɛ munyu nɛ ɔ mi ɔ, wa ma susu jeha 2018 wa jeha ngmami ɔ he. Wa maa na nɔ́ he je nɛ e sa kaa wa ha nɛ Yehowa nɛ wo wɔ he wami, kɛ blɔ nɔ nɛ e maa gu kɛ pee jã.

Jeha nɛ ɔ, a maa ye Kristo gbenɔ ɔ Kaimi ɔ Hɔ, ngɛ March 31, 2018. Mɛni wa ma nyɛ maa pee amlɔ nɛ ɔ kɛ dla wa he? Ke wa ya Kaimi ɔ, kɛ wa ma ná he se ha kɛɛ, nɛ kɛ Kaimi ɔ yeɔ bua nɛ kake peemi hiɔ Mawu we bi nɛ a ngɛ je kɛ wɛ ɔ a kpɛti ha kɛɛ? Wa maa na sane bimi nɛ ɔmɛ a heto ngɛ munyu nɛ ɔ mi.

Níhi tsuo nɛ wa ngɛ ɔ je Yehowa ngɔ. Se kɛ̃ ɔ, Yehowa ngɛ blɔ hyɛe kaa wa maa ngɔ wa sika kɛ fĩ ní tsumi nɛ e we asafo ɔ ngɛ tsue mwɔnɛ ɔ se. Munyu nɛ ɔ maa ye bua wɔ konɛ waa le nɔ́ he je nɛ e sa nɛ waa ngɔ wa ní kpakpahi kɛ wo Yehowa hɛ mi nyami, kɛ jɔɔmihi nɛ maa je mi kɛ ba.

Munyu nɛ ɔ maa tsɔɔ wɔ kaa suɔmi nɛ wa maa suɔ Yehowa a ji nɔ́ nɛ ma ha wɔ bua jɔmi nitsɛnitsɛ, se pi suɔmi yaya nɛ nihi jeɔ kpo ngɛ “nyagbe ligbi ɔmɛ a mi ɔ.” (2 Tim. 3:1) Munyu enyɔne ɔ maa tsɔɔ wɔ slɔɔto agbo nɛ ngɛ suhi nɛ nihi nɛ a ngɛ je ɔ mi ɔ jeɔ kpo, kɛ suhi nɛ Mawu we bi jeɔ kpo ɔ mi.