Nɔ́ Nɛ O Ma De Loko O Kɛ Womi Ɔmɛ Ma Ha

The Watchtower July 1

“Anɛ o susu kaa wa ma nyɛ ma ná tue mi jɔmi ngɛ haomi be nɛ ɔ mi lo? [Ngmɛɛ blɔ nɛ e ha heto.] Hyɛ nɔ́ nɛ Baiblo ɔ de ngɛ Filipibi 4:6, 7. [Kane.] Womi nɛ ɔ tsɔɔ bɔnɛ wa ma plɛ kɛ ná tue mi jɔmi nɛ je Mawu ngɔ ɔ ha.” Ngɔɔ munyu nɛ ngɛ bafa 10 kɛ tsɔɔ lɛ.

Awake! July

“Nihi fuu a bua jɔ níhi nɛ a fɔli tsɔɔ mɛ ɔ he. Anɛ o susu kaa tɔmi ko ngɛ he kaa wa maa hyɛ wa jami ɔ tsɔɔmihi nɛ wa le kɛ je jokuɛ mi ɔ mi kaa a da loo a dɛ lo? [Ngmɛɛ blɔ nɛ e ha heto. Kane 1 Yohane 4:1.] Womi nɛ ɔ tsɔɔ keji e da loo e dɛ kaa wa ma tsake wa jami.” Ngɔɔ munyu nɛ ngɛ bafa 28 kɛ tsɔɔ lɛ.

The Watchtower August 1

“Ni komɛ deɔ ke jamihi tsuo ji blɔ slɔɔtohi nɛ a guu nɔ kɛ yaa Mawu ngɔ. Anɛ o susu kaa jamihi tsuo hi lo? [Ngmɛɛ blɔ nɛ e ha heto. Kane Mateo 7:13, 14.] Womi nɛ ɔ tsɔɔ ní pɔtɛɛ etɛ nɛ a naa ngɛ jami kpakpa he.”

Awake! August

“Wɔ tsuo waa kɛ nimli a mi hlami ní peepee kpe hyɛ. Kɛ o susu kaa e peeɔ Mawu kɛɛ ke e na nɛ nihi hɛɛ we juɛmi kpakpa ngɛ ni kpahi a he? [Ngmɛɛ blɔ nɛ e ha heto. Kane Bɔfo ɔmɛ A Nítsumi 10:34, 35.] Womi nɛ ɔ tsɔɔ kaa Baiblo ɔ ma nyɛ maa ye bua wɔ konɛ waa to wa tsui si ke waa kɛ nɔ hɛ mi hyɛmi ní peepee kpe. Nɛ e maa ye bua wɔ hu konɛ wa je juɛmi yaya nɛ wa hɛɛ ngɛ nihi a he ɔ kɛ fɔ he.”