Wa Mɔde Bɔmi Ngɛ Fiɛɛmi ɔ Mi

Wa tsu ní wawɛɛ ngɛ April nyɔhiɔ ɔ mi. Mɔde nɛ wa bɔ kɛ fɔ nihi nine kɛ ba Kaimi ɔ kɛ magbɛ nɔ munyu klɛdɛɛ ɔ wo yiblii. Nihi 280,821 ba Kaimi ɔ, nɛ́ ji fiɛɛli nɛ ngɛ Ghana a yibɔ totoe etɛ kɛ se! Anɛ o le ni komɛ nɛ ba Kaimi ɔ nɛ e maa hia kaa a ya slaa mɛ lo? Wa ngɛ nyɛ tsuo he wami woe nɛ nyɛɛ bɔ mɔde kaa nyɛɛ kɛ nihi nɛ ba Kaimi ɔ se a kɛ mɛ kase we ní lolo ɔ maa je Baiblo ɔ kasemi sisi.