Nɔ́ Nɛ O Ma De Loko O Kɛ Womi Ɔmɛ Ma Ha

The Watchtower August 1

“Mɛni lɛ o susu kaa e ma ha nɛ nihi ma ná bua jɔmi? [Ngmɛɛ lɛ blɔ nɛ e ha heto. Lɔɔ se ɔ, moo kane Mateo 5:3 ɔ.] Níhi fuu nɛ Yesu tsɔɔ kaa a ma ha nɛ nihi nɛ a ná bua jɔmi ɔ a kpɛti kake pɛ ji nɛ ɔ nɛ. Womi nɛ ɔ tsɔɔ níhi nɛ wa ma nyɛ maa kase kɛ je Yesu ngɔ konɛ wa ná bua jɔmi nitsɛnitsɛ.” Moo ngɔ munyu nɛ je sisi ngɛ bafa 16 a kɛ tsɔɔ lɛ.

Awake! August

“Mwɔnɛ ɔ, mumi yayamihi, kunya yemi, kɛ aze loo hiami ní peepeehi lɛ a jeɔ ngɛ sɛnihi fuu a mi. Anɛ o susu kaa mumi yayamihi ngɛ nitsɛnitsɛ lo? [Ngmɛɛ lɛ blɔ nɛ e ha heto. Lɔɔ se ɔ, moo kane 1 Korintobi 10:20 ɔ.] Womi nɛ ɔ tsɔɔ nɔ́ nɛ Baiblo ɔ de kɛ kɔ mumi yayamihi a he kɛ bɔnɛ wa ma plɛ kɛ po wa he piɛ ngɛ a he ha.” Moo ngɔ munyu nɛ je sisi ngɛ bafa 20 ɔ kɛ tsɔɔ lɛ.

The Watchtower September 1

Moo wo amaniɛ bɔmi ko nɛ je kpo nɛ hao nihi ngɛ nyɛ kpɔ ɔ mi ɔ nɔ tã. Lɔɔ se ɔ, mo de ke: “Anɛ o susu nɔ́ heje nɛ nihi peeɔ ní yayamihi kaa kikɛ ɔ he hyɛ lo? [Ngmɛɛ lɛ blɔ nɛ e ha heto.] Baiblo ɔ de wɔ nɔ́ ko nɛ ma ha nɛ wa ná hɛ kɛ nɔ fɔmi. [Kane 2 Petro 3:13.] Womi nɛ ɔ tsɔɔ níhi nɛ Baiblo ɔ de kaa lɔ ɔmɛ lɛ a ngɔ ní yayami peemi kɛ ba, kɛ bɔnɛ e be kɛe nɛ Mawu maa po ní yayami peemi se ha.”

Awake! September

“Anɛ o susu kaa mobile phone, Internet, kɛ blɔ kpahi a nɔ nɛ a guu nɛ a kɛ nihi sɛɛɔ ní mwɔnɛ ɔ gbɔ hɛja si himi nɔ aloo e ha nɛ hɛja si himi ngɛ hɛ mi yae mohu? [Ngmɛɛ lɛ blɔ nɛ e ha heto.] Moo hyɛ ga womi kake ko nɛ a kɛ ma nyɛ maa da hɛja si himi nya. [Kane Bɔfo Ɔmɛ A Nítsumi 20:35.] Womi nɛ ɔ ngɔ Baiblo ɔ mi ga womi kpa ko nɛ hi kɛ ha.”