Adafi Fiami

◼ Womi nɛ a kɛ ma ha ngɛ October: Watchtower kɛ Awake! womi tɛtlɛɛ ɔmɛ. Ke nɔ ko ná munyu ɔ he bua jɔmi ɔ, ha lɛ dɛ womi nɛ ji Anɛ O Suɔ Kaa O Le Anɔkuale ɔ Lo? ɔ eko konɛ o bɔ mɔde nɛ o kɛ lɛ nɛ je Baiblo mi nikasemi sisi. November: The Bible—What Is Its Message? December: The Greatest Man Who Ever Lived. Ke nɔ ɔ ngɛ bimɛ ɔ, ha lɛ Learn From the Great Teacher. January: Mɛni Tutuutu Ji Baiblo ɔ Tsɔɔmi?

◼ Wa bua jɔ kaa wa maa bɔ nyɛ amaniɛ kaa, kɛ je January jeha 2011 ɔ, a ma bɔni Watchtower nɛ munyuhi nɛ a maa kase kɛ munyu komɛ nɛ ngɛ Watchtower nɛ a pee kɛ ha ma bi ɔ mi ngɛ mi ɔ peemi ngɛ Nzema gbi mi. A maa ngma munyuhi nɛ a maa kase ɔ tsuo kɛ munyuhi nɛ a ngɔ Watchtower nɛ a pee kɛ ha ma bi ɔ kɛ da nɔ ɔ ekomɛ ngɛ mi. Wa ngɛ nihi tsuo nɛ a ngɛ Nzema asafohi a mi ɔ he wami woe nɛ a ngɔ Watchtower nɛ ɔ kɛ tsu ní konɛ a ná kpe ɔmɛ a he se kɛ pi si. A ma nyɛ maa ngɔ Watchtower nɛ ɔ kɛ ha nihi ngɛ fiɛɛmi nítsumi ɔ mi hulɔ.