Nɔ Nɛ O Ma De Loko O Kɛ Womi Ɔmɛ Ma Ha

The Watchtower December 1

“Anɛ o kplɛɛ nɔ kaa fɔli nɛ a be he piɛɛli nɛ mɛ pɛ lɛ a ngɛ a bimɛ hyɛe ɔ kɛ haomihi ngɛ kpee pe fɔli nɛ a kɛ a he piɛɛli tsuo lɛ ngɛ a bimɛ hyɛe ɔ lo? [Ngmɛɛ lɛ blɔ nɛ e ha heto.] Baiblo ɔ woɔ wɔ he wami konɛ waa na mi kɛ ha nihi nɛ a kɛ haomihi ngɛ kpee ɔ. [Kane La 41:1.] Munyu nɛ je sisi ngɛ bafa 22 tsɔɔ bɔnɛ wa maa na mi kɛ ha fɔli nɛ a be he piɛɛli nɛ mɛ pɛ lɛ a ngɛ a bimɛ hyɛe ɔ ha.”

Awake! December

“Nihi fuu biɔ ke, ‘Ke Mawu ngɛ ɔ, mɛni heje mɔ nɛ e kpataa we Abosiami hɛ mi?’ Anɛ mo hu o bi sane nɛ ɔ hyɛ lo? [Ngmɛɛ lɛ blɔ nɛ e ha heto.] A da Baiblo ɔ nɔ kɛ ha sane bimi nɛ ɔ heto ngɛ womi nɛ ɔ bafa 10 kɛ 11 ɔ. Jehanɛ se hu ɔ, e tsɔɔ bɔnɛ ke a kpata Abosiami hɛ mi ɔ nɛ je ɔ si fɔfɔɛ maa pee ha.” Kane Kpojemi 21:3, 4.

The Watchtower January 1

“Nihi fuu he we yi kaa Eden abɔɔ ɔ hi si hyɛ nitsɛnitsɛ. Anɛ e maa pee mo nyakpɛ kaa Yesu tsɔɔ kaa Adam kɛ Hawa ji nihi nɛ a hi si hyɛ niinɛ lo? [Ngmɛɛ lɛ blɔ nɛ e ha heto. Lɔɔ se ɔ, kane Mateo 19:4-6.] Womi nɛ ɔ ha sane bimi komɛ nɛ nihi pɔɔ bimi nɛ kɔɔ Eden abɔɔ he ɔ a hetohi.”

Awake! January

Moo ngɔ womi ɔ se ɔ kɛ tsɔɔ lɛ nɛ o bi lɛ ke, “Kɛ o ma ha sane bimi nɛ ɔ heto ha kɛɛ? [Ngmɛɛ lɛ blɔ nɛ e ha heto.] Ngmami ɔ woɔ nihi he wami konɛ a kɛ nihi nɛ hi si ngɛ tue mi jɔmi mi. [Kane Yakobo 3:17.] Ke jã ji sane ɔ, mɛni heje mɔ nɛ jamihi ha we nɛ kake peemi nɛ hi adesahi a kpɛti? Anɛ jami ma ha nɛ tue mi jɔmi maa ba nimli a kpɛti lo? Womi tɛtlɛɛ nɛ ɔ ha kikɛmɛ a sane bimi ɔmɛ a heto.”