Wa Mɔde Bɔmi Ngɛ Fiɛɛmi ɔ Mi

Ngɛ March, April kɛ May nyɔhiɔ ɔ nɔ ɔ, a wo daa blɔ gbali nɛ a hiɛ pe 230 blɔ kɛ ho zugba kpɔhi nɛ a je a he banee nɔ ya konɛ a ya sɔmɔ ngɛ lejɛ ɔmɛ kaa be kpiti mi blɔ gbali klɛdɛɛ. Blɔ nya tomi nɛ ɔ nɛ a kɛ tsuɔ ní daa jeha a ha nɛ nihi babauu ngɔ a he kɛ wo fiɛɛmi nítsumi ɔ mi nɛ lɔɔ ha nɛ wa ná zugba kpɔ hehi. E ngɛ mi kaa blɔ gbali nɛ a bɔɔ mɔde nɛ ɔmɛ maa kpale a se kɛ ho asafohi nɛ a je a mi ɔ a mi ya mohu lɛɛ, se nyɛ ha nɛ kã kɛ gɛjɛmi nɛ a kɛ fiɛɛɔ ɔ nɛ wo wɔ tsuo he wami konɛ waa pee babauu ngɛ Yehowa sɔmɔmi nítsumi ɔ mi.—1 Kor. 15:58.