Adafi Fiami

◼ Womi nɛ a kɛ ma ha ngɛ September: Mɛni Tutuutu Ji Baiblo ɔ Tsɔɔmi? Nyɛɛ bɔ mɔde nɛ nyɛɛ je Baiblo mi nikasemi sisi nɔuu. October: Watchtower kɛ Awake! womi tɛtlɛɛ ɔmɛ. November: The Bible—What Is Its Message?

◼ A maa tu jeha 2012 Kaimi ɔ yemi be ɔ mi magbɛ nɔ munyu klɛdɛɛ ɔ ngɛ April 2 otsi ɔ mi. A maa tsɔɔ wɔ munyuyi ɔ pee se. E sɛ nɛ asafo ko tuɔ munyu klɛdɛɛ nɛ ɔ loko a yeɔ Kaimi ɔ.

◼ Fiɛɛli nɛ a ma sɔmɔ kaa blɔ gbali a wali ngɛ March 2012 ɔ ma nyɛ ma ha ngmlɛfia 30 loo 50 ngɛ jamɛ a nyɔhiɔ ɔ mi. Jehanɛ se hu ɔ, ke kpokpa nɔ hyɛlɔ ɔ ba slaa asafo ɔ ngɛ March nyɔhiɔ ɔ mi ɔ, nihi tsuo nɛ a kɛ ngmlɛfia 30 loo 50 ma sɔmɔ kaa blɔ gbali a wali ɔ hu maa ya kpe nɛ kpokpa nɔ hyɛlɔ ɔ kɛ daa blɔ gbali maa pee ɔ eko nɛ a maa hi si kɛ ya si benɛ a maa gbe kpe ɔ nya.

◼ Ngɛ September nyɔhiɔ ɔ mi ɔ, kpokpa nɔ hyɛli ma bɔni magbɛ nɔ munyu nɛ e yi ji, “O Kɛ Mawu Webi Nɛ A Ngɛ Bua Jɔmi ɔ Nɛ Pee Kake” ɔ tumi.