Adafi Fiami

◼ Womi nɛ a kɛ ma ha ngɛ July: Nyɛ ha nihi womiyo saisaa nɛ hɛɛ bafa 32 nɛ e maa hi kɛ nítsumi ngɛ nyɛ zugba kpɔ ɔ mi. Ke nyɛ kpale ya slaa nɔ ko ɔ, nyɛɛ kɛ Baiblo Tsɔɔmi womi ɔ nɛ ha lɛ, aloo nyɛɛ kɛ Bu Mawu Tue loo Bu Mawu Tue Nɛ́ O Hi Si Kɛ Ya Neneene womiyo ɔ eko tsuaa eko nɛ maa hi kɛ ha nɔ ɔ nɛ ha lɛ, nɛ nyɛɛ bɔ mɔde nɛ nyɛɛ kɛ lɛ nɛ je Baiblo mi nikasemi sisi. August: Nyɛ ha nihi womiyo saisaa nɛ hɛɛ bafa 32 nɛ e maa hi kɛ nítsumi ngɛ nyɛ zugba kpɔ ɔ mi. September kɛ October: Watchtower kɛ Awake! womi tɛtlɛɛ ɔmɛ. Ke nyɛ kpale nyɛ se kɛ ya slaa mɛ ɔ, nyɛ ha mɛ Baiblo Tsɔɔmi womi ɔ, loo ke e maa hi ɔ, womiyohi nɛ ji, Bu Mawu Tue loo Bu Mawu Tue Nɛ́ O Hi Si Kɛ Ya Neneene ɔ, nɛ nyɛɛ bɔ mɔde nɛ nyɛɛ je Baiblo mi nikasemi sisi.

◼ A kɛ Sing to Jehovah—Vocal Renditions, Disc 5 maa wo Internet ɔ nɔ ngɛ jw.org kɛ je August 1 konɛ nihi nɛ a gbla. A kɛ Blɛfo gbi nɔ́ ɔ maa wo nɔ kekle kɛkɛ lɔɔ se ɔ, a kɛ nɔ́ nɛ a pee ngɛ gbi kpa amɛ a mi ɔ hu maa wo nɔ. Nyɛ ma nyɛ maa sɛ e CD ngɛ nyɛ asafo ɔ mi. Akɛnɛ ke nihi gbla níhi ngɛ wa Internet nɔ nítsumi he ɔ nɛ e bɔ we wɔ hiɔ fuu kaa bɔnɛ ke wa pee apawahi kɛ mane mɛ nɛ e bɔɔ wɔ hiɔ ɔ heje ɔ, wa ngɛ nihi nɛ a ma nyɛ maa gbla níhi ngɛ Internet nɔ ɔ he wami woe konɛ a pee jã. A je discs 1-4 kpo momo.

◼ Wa bua jɔ kaa wa ma ha nɛ nyɛɛ le kaa Nɔyemi Kuu ɔ kplɛɛ nɔ kaa hwɔɔ se ɔ, a pee Baiblo Sukuu ɔ ngɛ Twi kɛ Blɛfo gbi mi. Enɛ ɔ tsɔɔ kaa nyɛmimɛ nyumuhi kɛ nihi kɛ a yihi nɛ a suɔ kaa a maa ya Baiblo Sukuu Kɛ Ha Nyumuhi Nɛ A Sɛ We Gba Si Himi Mi kɛ Baiblo Sukuu Kɛ Ha Nihi Nɛ A Sɛ Gba Si Himi Mi ɔ maa tsɔɔ gbi nɛ a maa suɔ kaa a kɛ tsɔɔ mɛ ní, nɛ ji Blɛfo gbi aloo Twi.