Tsakemihi Ngɛ Asafo Mi Kpe Nɛ A Peeɔ Ngɛ Otsi ɔ Mi ɔ He
Kɛ je September 3 otsi ɔ nɔ kɛ ya a, a kɛ hɛngmɛfia 30 maa pee Asafo Baiblo Mi Nikasemi ɔ se pi hɛngmɛfia 25 hu. E sa nɛ nikasemi ɔ nɔ hyɛlɔ ɔ nɛ ngɔ hɛngmɛfia kake kɛ nylɔ níhi nɛ a kase ngɛ otsi nɛ be ɔ mi ɔ ngɛ e nya blimi munyu ɔ mi. A ma je be nɛ a kɛ peeɔ Sɔmɔmi Kpe ɔ hu nɔ kɛ je hɛngmɛfia 35 kɛ ba hɛngmɛfia 30. A kɛ be pɔtɛɛ kɛ ha adafi fiami be mi woe hu. Mohu ɔ, ke adafi fiami ko ngɛ ɔ, nɔ nɛ ma tsu kekleekle nítsumi ɔ he ní ɔ maa tu adafi fiami ɔ he munyu kɛ je sisi. Behi fuu ɔ, e he maa hia nɛ a fia adafi bɔɔ komɛ pɛ keji kaa e ko ngɛ, nɛ jehanɛ hu, e he hia we nɛ a tsɔɔ níhi nɛ a ma tsu ngɛ Sɔmɔmi Kpe ɔ mi ɔ. E sɛ nɛ a fia fiɛɛmi yami, Asa a nɔ dlami he blɔ nya tomi kɛ ngami a he adafi. (km-E 10/08 bf. 1, kk. 4) Ke a maa fia adafi ko nɛ nya kɛ ɔ, e sa kaa a wó nihi nɛ a ngɛ nítsumi ngɛ Sɔmɔmi Kpe ɔ mi ɔ a tue nɔ konɛ a po a nítsumi ɔmɛ a nɔ kpiti.