Nihewi Kɛ Zangmawi Biɔ Ke—Mɛni I Kɛ Ye Wami Maa Pee? (Fã 1)
Be mi nɛ nihewi kɛ zangmawi ngɛ wae ɔ, e biɔ nɛ a pee yi mi kpɔ mwɔmihi nɛ a he hia. A pee video nɛ ji, Young People Ask—What Will I Do With My Life? ɔ konɛ e ye kɛ bua mɛ. Ke o kɛ DVD ɔ wo klama nɛ a kɛ jeɔ ɔ mi ɔ, yaa he nɛ a ngma ke “main menu” ɔ, nɛ o hla munyu nɛ ji, Play Drama a, nɛ o hyɛ kaa o ma nyɛ ma ha sane bimihi nɛ ngɛ kuku 2 ɔ mi ɔ a heto lo. Lɔɔ se ɔ, moo hla Interviews ngɛ he nɛ “main menu” ɔ ngɛ ɔ, nɛ o hla Looking Back, konɛ o bɔ mɔde kaa o ma ha sane bimihi nɛ ngɛ kuku 3 ɔ mi ɔ a heto.
Drama: (1) Si fɔfɔɛ nɛ Timoteo hi mi ɔ ngɛ kaa nɔ́ nɛ nihewi kɛ yihewi nɛ a ji Kristofoli ngɛ mi mwɔnɛ ɔ ngɛ mɛni blɔhi a nɔ? (2) Mɛni blɔ nɔ a nyɛ Andre nɔ nɛ́ e kɛ e he nɛ wo fo tumi mi ngɛ? (3) Mɛni Nyɛminyumu Fleissig de Andre kɛ kɔ (a) e he nɔ nɛ e maa jɔɔ kɛ ha Yehowa kɛ fo tumi he? (Mat. 6:24) (b) he nɛ bua jɔmi nitsɛ jee ɔ he? (d) nɔ́ nɛ e tsesi nɛ e kɛ je tsu womi he ɔ kai ɔ lɛ ɔ he? (e) nihi nɛ piɛɛ e kɛ e yo ɔ a he kɛ po foto ɔ he? (ɛ) otihi nɛ e kɛ ma e hɛ mi nɛ e tsake ɔ he? (Filip. 3:8) (4) Kɛ Andre na e sane bimi nɛ ji, “Anɛ tomi ngɛ he kaa ma he biɛ ngɛ fo kami mi” ɔ heto ha kɛɛ? (Luka 4:5-7) (5) Anɛ nguɔ nɛ Andre ye ngɛ fo kami mi ɔ ha lɛ bua jɔmi nitsɛ lo? (6) Mɛni nɛ o bua jɔ he ngɛ nyagbe sɛ womi nɛ Nyɛminyumu Fleissig ngma kɛ ha Andre ɔ he? (Abɛ 10:22) (7) Mɛni Nyɛminyumu Fleissig ye bua Andre nɛ e kase?
Looking Back: (8) Mɛni otihi nɛ nyɛminyumu ɔ kɛ nyɛmiyo ɔ ngɛ se dii, nɛ mɛni heje? (9) Kɛ a ná he se ha kɛɛ? (10) Mɛni ha nɛ a ti nɔ tsuaa nɔ ma e juɛmi nya si kaa e ma tsake oti nɛ e kɛ ma e hɛ mi ɔ? (2 Kor. 5:15) (11) Mɛni Mawu jami mi otihi nɛ a kɛ ye níhi nɛ a tsuɔ ɔ nane mi, nɛ mɛni heje nɛ a nu he kaa a be nyɛe ma tsu enyɔ ɔ tsuo ɔ? (12) Anɛ a pia a he kaa a tsake otihi nɛ a kɛ ma a hɛ mi ɔ lo? (13) Mɛni tutuutu a de nɛ e ha nɛ o susu nɔ́ nɛ e sa kaa o kɛ o wami nɛ pee ɔ he?
Wa kpa mo pɛɛ nɛ o hyɛ nɔ́ nɛ piɛ ɔ nɛ ji interviews kɛ supplementary material ɔ nɛ o dla o he kaa o ma ha munyu heto ngɛ Sɔmɔmi Kpe ɔ mi mwɔnɛ ɔ otsi.