Adafi Fiami

◼ Womi nɛ a kɛ ma ha ngɛ December: Nyɛɛ ngɔ dɛ womihi nɛ nyɛɛ se nɛ ɔmɛ kɛ tsu ní: Hɛ Nɔ Kami Nɛ Ngɛ Kɛ Ha Gbogboehi; Yesu Kristo-Mɛnɔ Ji Lɛ?; Le Anɔkuale ɔ; Si Himi Ngɛ Tue Mi Jɔmi Je He Ko Mi kɛ Who Really Rules the World? (Mɛnɔ Tutuutu Ngɛ Je ɔ Nɔ Yee?) Ke nɔ ko je bua jɔmi kpo ɔ, nyɛɛ ngɔ Baiblo Tsɔɔmi womi ɔ loo womiyohi nɛ ji, Bu Mawu Tue loo Bu Mawu Tue Nɛ O Hi Si Kɛ Ya Neneene ɔ kɛ tsɔɔ lɛ bɔnɛ waa kɛ nihi kaseɔ Baiblo ɔ ha. January kɛ February: Nyɛɛ ngɔ womiyo saisaa nɛ hɛɛ bafa 32 nɛ maa nu tso ngɛ nyɛ zugba kpɔ ɔ mi ɔ kɛ nítsumi. Ke nyɛ kpale ya slaa nɔ ko ɔ, nyɛɛ ngɔ Baiblo Tsɔɔmi womi ɔ kɛ ha lɛ, loo nyɛɛ kɛ Bu Mawu Tue loo Bu Mawu Tue Nɛ O Hi Si Kɛ Ya Neneene womiyo ɔ eko nɛ ha nɔ ɔ, nɛ nyɛɛ bɔ mɔde nɛ nyɛɛ kɛ lɛ nɛ je Baiblo mi nikasemi sisi. March: Hwɔɔmi Mɔ kɛ Awake! womiyo ɔmɛ. Ke nyɛ kpale ya slaa nɔ ko ɔ, nyɛɛ kɛ Baiblo Tsɔɔmi womi ɔ nɛ ha lɛ, aloo ke e maa hi ɔ, nyɛɛ kɛ Bu Mawu Tue loo Bu Mawu Tue Nɛ O Hi Si Kɛ Ya Neneene womiyo ɔ nɛ ha nɔ ɔ, nɛ nyɛɛ bɔ mɔde nɛ nyɛɛ kɛ lɛ nɛ je Baiblo mi nikasemi sisi.

◼ Wa maa ye jeha 2014 Kaimi ɔ Hɔɛgbi, April 14.

◼ Fiɛɛli nɛ a ma sɔmɔ kaa blɔ gbali a wali ngɛ March 2013 ɔ ma nyɛ ma ha ngmlɛfia 30 loo 50 ngɛ jamɛ a nyɔhiɔ ɔ mi. Jehanɛ se hu ɔ, ke kpokpa nɔ hyɛlɔ ɔ ba slaa asafo ɔ ngɛ March nyɔhiɔ ɔ mi ɔ, nihi tsuo nɛ a kɛ ngmlɛfia 30 loo 50 ngɛ sɔmɔe kaa blɔ gbali a wali ɔ hu maa ya kpe nɛ kpokpa nɔ hyɛlɔ ɔ kɛ daa blɔ gbali maa pee ɔ eko nɛ a maa hi si kɛ ya si benɛ a maa gbe kpe ɔ nya.