“Nyɛɛ Suɔ Nyɛmimɛ Ɔmɛ Tsuo”
Mawu ha nɛ a ngma wa munyuyi nɛ ɔ kɛ fɔ si maa pee jeha akpe enyɔ ji nɛ ɔ. (1 Pet. 2:17) Se amlɔ nɛ ɔ ji be nɛ wa hia munyu nɛ ɔ wawɛɛ! Kɛ wa ma plɛ kɛ suɔ wa nyɛmimɛ ngɛ je kɛ wɛ ɔ tsuo kɛɛ? Nɛ kɛ wa maa pee kɛɛ konɛ wa suɔmi ɔ se ko po ngɛ je nɛ suɔmi be mi nɛ ɔ mi? (Mat. 24:12) Ke o ngɛ video nɛ ji Our Whole Association of Brothers ɔ hyɛe ɔ, hyɛ kaa o ma nyɛ maa ha sane bimi nɛ ɔmɛ a heto lo.
(1) Mɛni be nɛ wa ba piɛɛ Kristofoli a nyɛmimɛ ɔmɛ a he? (2) Mɛni níhi etɛ komɛ nɛ wa je kɛ wɛ nyɛmimɛ ɔmɛ tsuo peeɔ? (3) Mɛni blɔ nɔ nɛ wa nyɛmimɛ ɔmɛ mwɔ a yi mi kpɔ kaa a maa fiɛɛ (a) ngɛ Alaska nga kplanaa a nɔ, (b) ngɛ Europa mele si dami he nguahi ɔ, kɛ (d) ngɛ Peru hue ɔmɛ a mi? (4) Mɛni lɛ ha nɛ wa fiɛɛmi nítsumi ɔ ngɛ slɔɔto ɔ? (5) Mo ha nɔ hyɛmi nihi nɛ tsɔɔ bɔnɛ Yehowa Odasefoli wo a nyɛmimɛ he wami nɛ a ye bua mɛ ha benɛ (a) zugba mimiɛ ɔ, (b) ahumi ko puɛ ní ɔ, (d) wɛtsohi a kpɛti ta ba a? (6) Mɛni ji blɔ kpakpahi a nɔ nɛ wa ti nɔ tsuaa nɔ ma nyɛ maa gu kɛ je wa Kristofoli a nyɛmi peemi he kadimi nɔ́ ngua a kpo ngɛ? (Joh. 13:35) (7) Ke wɔ nitsɛmɛ wa pee kake kɛ ma Matsɛ Yemi Asahi ɔ, mɛni se nɛ wa náa? (8) Mɛni blɔ nɔ nɛ wa nyɛmimɛ ngɛ Europa Beleku je kɛ Russia a hɛ kɛ su Yehowa he be mi nɛ a tsi a nítsumi ɔ nya a? (9) Mɛni mɔde nɛ sa kadimi nɛ Odasefoli babauu bɔɔ konɛ a ya kpehi, nɛ mɛni heje? (10) Mɛni blɔ nɔ video nɛ ɔ wo mo he wami ngɛ o yi mi kpɔ nɛ o mwɔ kaa o (a) kɛ nyɛmimɛ maa pee kake kɛ ja Yehowa ngɛ Asafo mi kpehi a sisi ɔ, (b) maa ye bua ni kpahi ngɛ fimi be mi ɔ, kɛ (d) kɛ anɔkuale yemi maa fiɛɛ be tsuaa be, kɛ blɔ tsuaa blɔ nɔ nɛ o ma nyɛ ɔ? (11) Mɛni blɔ nɔ nɛ wa ma nyɛ maa ngɔ video nɛ ɔ kɛ tsu ní ngɛ fiɛɛmi nítsumi ɔ mi, nɛ mɛni be?
Suɔmi nɛ wa ngɛ kɛ ha Yehowa a ji yi mi tomi titli heje nɛ wa ba piɛɛ wa Kristofoli a nyɛmimɛ ɔmɛ a he ɔ nɛ. Lɔɔ he ɔ, wa suɔ kaa wa maa kase E he ní nɛ waa tsɔɔ ni kpahi. Jehanɛ hu, wa suɔ nihi nɛ Yehowa suɔ ɔ. Ke wa ye bua mɛ ngɛ fimi behi a mi ɔ, wa hyɛ we blɔ kaa Mawu nɛ na wɔ si. Wa naa Mawu si mohu, ejakaa wa le kaa wa Kristofoli a nyɛmimɛ ɔ ji nike ní nɛ je e ngɔ. Be mi nɛ je nɛ suɔmi be mi nɛ ɔ ma nyagbe nɛ ɔ, nyɛ ha nɛ waa ya nɔ nɛ wa je suɔmi kpo kɛ ha wa nyɛmimɛ ɔmɛ tsuo!