Teokrase Sɔmɔmi Sukuu ɔ Mi Nylɔmi
Wa ma susu sane bimi nɛ ɔmɛ a he ngɛ Teokrase Sɔmɔmi Sukuu ɔ mi ngɛ otsi nɛ je sisi August 26, 2013. A ngma be nɛ a kɛ maa susu munyu ɔ eko tsuaa eko he ɔ kɛ piɛɛ sane bimi ɔ he konɛ ke daa otsi nyɛ ngɛ nyɛ he dlae kɛ ha sukuu ɔ, nyɛ nyɛ nɛ nyɛɛ pee níhi a mi hlami.
1. Yi jemi kɛ hɛ mi nyami nɛ e sa kaa a kɛ ha Mawu nɛ Matsɛ Herode kplɛɛ nɛ a kɛ ha lɛ ɔ, mɛni níkasemi nɛ e hia lɛ ngɛ mi ha wɔ? (Níts. 12:21-23) [July 1, w08-E 5/15 bf. 32 kk. 7]
2. Ke nihewi kɛ yihewi susu Timoteo nɔ hyɛmi nɔ́ ɔ he nɛ a nyɛɛ se ɔ, kɛ a ma ná he se ha kɛɛ? (Níts. 16:1, 2) [July 8, w08-E 5/15 bf. 32 kk. 10]
3. Benɛ Akuila kɛ Priskila nu nɛ Apolo ‘tu munyu kɛ kã’ ngɛ kpe he nɛ ngɛ Efeso ɔ, mɛni blɔ nɔ nɛ a je a tsui mi nɛ a ye bua lɛ ngɛ? (Níts. 18:24-26) [July 15, w10-E 6/15 bf. 11 kk. 4]
4. Mɛni Ngmami nɔ dami nɔ nɛ haa nɛ Yehowa Odasefoli kɛ a sanehi yaa kojomi hehi konɛ a kɛ bu he blɔ nɛ a ngɛ kaa a maa fiɛɛ ɔ he? (Níts. 25:10-12) [July 22, bt-E bf. 198 kk. 6]
5. Benɛ a wo bɔfo Paulo tsu ngɛ Roma a, mɛni blɔ nɔ nɛ e ya nɔ nɛ e hla blɔhi a nɔ nɛ e maa gu kɛ ye odase, nɛ Yehowa Odasefoli nɛ a ngɛ mwɔnɛ ɔ kaseɔ e nɔ hyɛmi nɔ́ ɔ ngɛ mɛni blɔ nɔ? (Níts. 28:17, 23, 30, 31) [July 29, bt-E bf. 215-217 kk. 19-23]
6. Mɛni heje nɛ Baiblo ɔ deɔ kaa Mawu to we kaa nyumu kɛ nyumu nɛ ná bɔmi nɛ e ji zo ní ɔ? (Rom. 1:26, 27) [Aug. 5, g-E 1/12 bf. 28 kk. 7]
7. Mɛni blɔ nɔ nɛ ‘Kristo Yesu kpɔmi afɔle sami’ ngɛ jeha 33 M.B. ma nyɛ ma je ‘yayamihi nɛ nihi pee’ loko a kɛ kpɔmi nɔ́ ɔ ha a kɛ je? (Rom. 3:24, 25) [Aug. 5, w08-E 6/15 bf. 29 kk. 6]
8. Mɛni blɔ nya nɛ Yehowa je suɔmi mi nɛ e to konɛ e ye bua wɔ bemi nɛ waa kɛ haomi nɛ nya wa kpe, nɛ wa li nɔ́ tutuutu nɛ e sa kaa wa bi ngɛ sɔlemi mi ɔ? (Rom. 8:26, 27) [Aug. 12, w08-E 6/15 bf. 30 kk. 10]
9. Mɛni nɛ “nibwɔ peemi” nɛ a wo wɔ ga kaa waa bɔ he mɔde ɔ tsɔɔ? (Rom. 12:13) [Aug. 19, w09-E 10/15 bf. 5-6 kk. 12-13]
10. Mɛni blɔ nɔ nɛ wa maa ‘wo Nyɔmtsɛ Yesu Kristo kaa tade’ kaa bɔnɛ Paulo ga womi ɔ tsɔɔ ɔ? (Rom. 13:14) [Aug. 26, w05-E 1/1 bf. 11-12 kk. 20-22]