Fiɛɛmi Munyuhi

Nɛ a kɛ maa je Baiblo mi nikasemi sisi ngɛ kekleekle Hɔ nɛ ngɛ September nyɔhiɔ ɔ mi ɔ nɔ

“I kpa mo pɛɛ. Wa ba o ngɔ nɛ wa ba tsɔɔ mo nɔ́ nɛ maa ye bua nɔ kɛ e yo konɛ a gba si himi ɔ nɛ ye manye. Ke o hyɛ ɔ, mɛni ji nɔ́ titli nɛ ha we nɛ bua jɔmi baa gba si himi mi?” [Ngmɛɛ lɛ blɔ nɛ e ha heto.] Moo ngɔ September 1 Hwɔɔmi Mɔ ɔ se kɛ tsɔɔ lɛ, nɛ o kɛ lɛ nɛ susu munyu nɛ ngɛ kekle sane bimi ɔ sisi ɔ he, nɛ ke e hí kulaa a, o kane ngmamihi nɛ a tsɛ se ɔ kake. O kɛ womi tɛtlɛɛ ɔmɛ nɛ ha lɛ, nɛ o to blɔ nya nɛ o kpale ya slaa lɛ konɛ nyɛ susu sane bimi nɛ nyɛɛ se ɔ he.

Hwɔɔmi Mɔ September 1

“Wa ngɛ nihi ngɛ nyɛ kpɔ nɛ ɔ mi ɔ slaae ejakaa nihi fuu susuɔ nɔ́ heje nɛ Mawu ngmɛ nɔ́ nami blɔ ɔ he. Anɛ o susu he hyɛ lo? [Ngmɛɛ lɛ blɔ nɛ e ha heto.] E ji bua jɔmi kaa Baiblo ɔ wo si kaa be maa su nɛ wa be aywilɛho yee, nɛ wa be nɔ́ nae hu. [Kane Kpojemi 21:4.] Womi tɛtlɛɛ nɛ ɔ tsɔɔ yi mi tomihi enuɔ heje nɛ nɔ́ nami pɔ he ɔ mi. Jehanɛ hu ɔ, e tsɔɔ nɔ́ nɛ Baiblo ɔ de kɛ kɔ bɔnɛ Mawu maa po nɔ́ nami se ha a mi.”

Awake! September

“Ni komɛ susu kaa tɔmi ko be he kaa nɔ ko ma ná bɔmi loko e maa sɛ gba si himi mi. Kɔkɔ bɔmi nɛ ɔ nɛ ngɛ Baiblo ɔ mi ɔ ha nɛ ni kpahi hu nuɔ he kaa e dɛ. [Kane 1 Tesalonikabi 4:3.] Mɛni ji o susumi ngɛ he? [Ngmɛɛ lɛ blɔ nɛ e ha heto.] Womi tɛtlɛɛ nɛ ɔ haa nɛ wa naa nɔ́ nɛ Baiblo ɔ deɔ ngɛ bɔmi nɛ a náa loko a sɛɔ gba si himi mi ɔ he.”