Teokrase Sɔmɔmi Sukuu ɔ Mi Nylɔmi

Wa ma susu sane bimi nɛ ɔmɛ a he ngɛ Teokrase Sɔmɔmi Sukuu ɔ mi ngɛ otsi nɛ je sisi December 30, 2013. A ngma be nɛ a kɛ ma susu munyu ɔ eko tsuaa eko he ɔ kɛ piɛɛ sane bimi ɔ he konɛ ke daa otsi nyɛ ngɛ nyɛ he dlae kɛ ha sukuu ɔ, nyɛ nyɛ nɛ nyɛɛ pee níhi a mi hlami.

1. Mɛni maa ye bua wɔ konɛ waa kɛ ma nɔ yeli nɛ hi si ngɛ mi mi jɔmi mi? (Tito 3:2) [Nov. 4, w03-E 4/1 bf. 25 kk. 18-19]

2. Mɛni wa ma nyɛ maa kase ngɛ munyuhi nɛ Paulo ngma kɛ ya ha Filemon nɛ e ngɛ Filemon 4, 5, kɛ 7 ɔ mi ɔ? [Nov. 4, w08-E 10/15 bf. 31 kk. 1, 2; w92-E 4/15 bf. 25 kk. 2]

3. Kɛ wa ma plɛ kɛ sɛ Mawu he jɔɔmi ɔ mi kɛɛ? (Heb. 4:9-11) [Nov. 11, w11-E 7/15 bf. 28 kk. 16, 17]

4. Mɛni wa ma nyɛ maa kase kɛ je Samuel kɛ kojoli anɔkualetsɛmɛ kɛ gbali nɛ a ‘tsu dami ní’ ɔ a he? (Heb. 11:32, 33) [Nov. 18, w11-E 1/1 bf. 25 kk. 5, 6]

5. Mɛni heje nɛ Yakobo ngma kaa ‘nile nɛ je hiɔwe ɔ, kekleekle ɔ, e he tsɔ, nɛ lɔɔ se ɔ, e he jɔ’ ɔ? (Yak. 3:17) [Nov. 25, w11-E 8/15 bf. 30-31 kk. 15]

6. Mɛnɔmɛ ji “ni gbogboehi” nɛ a fiɛɛ “sane kpakpa a” kɛ tsɔɔ mɛ ɔ? (1 Pet. 4:6) [Dec. 2, w08-E 11/15 bf. 21 kk. 8]

7. Ngɛ 1 Yohane 2:7, 8 ɔ, mɛni mlaa nɛ Yohane ngɛ he munyu tue kaa mlaa “momo” kɛ mlaa “he” ɔ? [Dec. 9, w08-E 12/15 bf. 27 kk. 6]

8. Mɛnɔ nɛ a kɛ palemi biɛ nɛ ji “Alpha kɛ Omega” kɛ “kekleekle no kɛ nyagbe no” ɔ tsɛɔ lɛ? (Kpoj. 1:8, 17) [Dec. 16, w09-E 1/15 bf. 30 kk. 6]

9. Mɛni blɔhi enyɔ a nɔ nɛ a sɔu Kristofoli nɛ a pɔ mɛ nu ɔ a nya ngɛ? (Kpoj. 7:3) [Dec. 23, w07-E 1/1 bf. 31 kk. 2]

10. Mɛni heje wa ma nyɛ ma ná nɔ mi mami kaa Mawu Matsɛ Yemi ɔ mi jɔɔmihi nɛ a gba kɛ fɔ si ɔ maa ba mi nitsɛnitsɛ ɔ, nɛ kɛ e sa kaa nile nɛ ɔ nɛ ná wa nɔ he wami ha kɛɛ? (Kpoj. 21:5, 6) [Dec. 30, re-E bf. 304 kk. 9]