Fiɛɛmi Munyuhi

Kɛ ha Kaimi ɔ yemi he nine fɔmi womi ɔ gbami

“Wa ngɛ ní peemi ko nɛ he hia nɛ maa ya nɔ ɔ he nine fɔmi womi gbae. Ngɛ April 14 nɔ ɔ, nihi ayɔhi abɔ ngɛ je kɛ wɛ ɔ maa bua a he nya kɛ kai Yesu Kristo gbenɔ ɔ, nɛ a maa bu munyu nɛ a maa je Baiblo ɔ mi kɛ tu nɛ kɔɔ bɔ nɛ Yesu gbenɔ ɔ he baa wɔ se námi ha a he ɔ tue. A tsɔɔ he nɛ a maa kpe ngɛ kɛ be nɛ a maa kpe ngɛ kpɔ nɛ ɔ mi ɔ ngɛ nine fɔmi womi ɔ nɔ.”

Hwɔɔmi Mɔ April 1

“Wa ba slaa mo konɛ wa susu nɔ́ ko nɛ wɔ tsuo wa peeɔ he. E ngɛ mi kaa wa ngɛ jami slɔɔtohi a mi mohu lɛɛ, se wɔ tsuo wa sɔleɔ. Anɛ o susu kaa Mawu haa wa sɔlemihi a heto, aloo o susu kaa ke wa sɔle ɔ, wa nuɔ he mi jɔmi he kɛkɛ lo? [Ngmɛɛ lɛ blɔ nɛ e ha heto.] Mo kadi nɔ́ nɛ Baiblo ɔ de ngɛ sɔlemi he. [Kane 1 Yohane 5:14.] Womi tɛtlɛɛ nɛ ɔ tsɔɔ bɔ nɛ wa náa sɔlemi he se ha.”

Awake! April

“Wa ba hiɛ ɔ konɛ wa ba susu bɔ nɛ wa ma tsu nyagba ko nɛ ngɛ he pɔe wawɛɛ ɔ he ní ha. Ni komɛ susu kaa si himi mi nɛ a ngɛ ɔ mi wa nɛ a pee a juɛmi kaa a maa gbe a he. Ke nɔ ko ngɛ haomi mi ɔ, anɛ o susu kaa pe e suɔ kaa e ma gbo, loo pe e ngɛ hlae nɛ e je haomi ɔ mi? [Ngmɛɛ lɛ blɔ nɛ e ha heto.] Baiblo mi si womi ko nɛ ye bua nihi fuu nɛ a ná juɛmi nɛ da ji nɛ ɔ nɛ. [Kane Kpojemi 21:3, 4.] Womi tɛtlɛɛ nɛ ɔ tsɔɔ yi mi tomi etɛ komɛ a he je nɛ e sɛ nɛ nɔ ko nɛ gbe e he ngɛ nyagbahi nɛ e kɛ ngɛ kpee ɔ tsuo se.”