“Ke I Ya E We Mi ɔ, I Ya Nɛ́ Lɛ!”

Anɛ o de jã ngɛ nɔ ko nɛ e ná sɛ gbi ɔ he bua jɔmi he hyɛ lo? O bɔ mɔde kaa o ma ya slaa lɛ si abɔ, se akɛnɛ o nɛ́ lɛ ngɛ we mi he je ɔ, o nyɛ we nɛ o pue anɔkuale wu nɛ o du ɔ nɔ nyu. (1 Kor. 3:6) Be komɛ ɔ, fiɛɛli nɛ a he be ɔ ngmaa sɛ womi kɛ haa nɔ ko nɛ a pɔɛ lɛ nami ngɛ we mi ɔ, aloo a ngmaa sɛ womi kpiti nɛ a kɛ woɔ nɔ ɔ sinya sisi. Ngɛ fiɛɛli komɛ a blɔ fami ɔ, ke a yɔse kaa nɔ ɔ pɔɛ we mi himi ɔ, a ngɔɔ e mobile nɔma, nɛ a biɔ lɛ ke, “Anɛ ma nyɛ ma tsɛ mo lo?” Ke wa tsɛ nɔ ɔ ngɛ mobile phone nɔ, loo wa mane lɛ sɛ kɛ gu Intanɛti loo mobile phone nɔ, loo wa ngma ngɛ womi nɔ kɛ wo e sinya sisi ɔ, wa ma nyɛ maa bu he akɔtaa kaa wa ya slaa lɛ. Ke wa nɛ́ nɔ ɔ po ɔ, wa ma nyɛ ma ha nɛ e bua maa jɔ sɛ gbi ɔ he.