Adafi Fiami

◼ Womi nɛ a kɛ ma ha ngɛ December: Mɛni Tutuutu Ji Baiblo ɔ Tsɔɔmi? loo dɛ womihi nɛ nyɛɛ se nɛ ɔ kake: Kɛ O Buu Baiblo ɔ Ha Kɛɛ? (T-30), Mɛni O Susu Kaa E Maa Ba Hwɔɔ Se? (T-31), Mɛni Ji Nɔ́ Titli Nɛ Kɛ Bua Jɔmi Baa Weku Mi? (T-32), Mɛnɔ Tutuutu Nɛ E Ngɛ Je ɔ Kudɔe? (T-33), Anɛ Nɔ́ Nami Se Maa Po Ligbi Ko Lo? (T-34). January kɛ February: Sane Kpakpa Nɛ Je Mawu Ngɔ!, Bu Mawu Tue, loo Bu Mawu Tue Nɛ́ O Hi Si Kɛ Ya Neneene. March: Hwɔɔmi Mɔ ɔ kɛ Awake! womi tɛtlɛɛ ɔmɛ.

◼ Wa maa ye jeha 2016 Kaimi ɔ Sɔ, March 23.

◼ Kɛ je January 1, 2015 nyɔhiɔ ɔ mi kɛ yaa a, waa kɛ blɔ nya nɛ a to nɛ waa kɛ jeɔ Baiblo mi ní kasemi sisi ngɛ kekleekle Hɔ nɛ ngɛ nyɔhiɔ ɔ mi ɔ nɔ ɔ be ní tsue hu. Ngɛ lɔ ɔ nane mi ɔ, fiɛɛli ma nyɛ ma gba womi tɛtlɛɛ ɔmɛ kaa bɔ nɛ a peeɔ ngɛ Hɔ nɔ ɔ. Wa ma nyɛ maa ngɔ wa womi tɛtlɛɛ ɔmɛ aloo womi kpahi kɛ je Baiblo mi ní kasemi sisi be tsuaa be ngɛ nyɔhiɔ ɔ mi.