O Kɛ Hɛdɔ Nɛ Tsɔɔ Nihi Anɔkuale Nɛ Kɔɔ Yesu He ɔ

Ke wa le bɔ nɛ wa maa pee ha kɛ tsɔɔ nihi Yesu he anɔkuale ɔ, lɔ ɔ ma ha nɛ waa kɛ kã maa fiɛɛ. Yesu ji sisi tomi tɛ nɛ a fia anɔkuale hemi kɛ yemi ɔ kɛ ma nɔ. (Efe. 2:20) Ke pi e he ɔ, jinɛ wa be hɛ nɔ kami ko kulaa. (Níts. 4:12) Enɛ ɔ he ɔ, e he hia nɛ nɔ tsuaa nɔ nɛ le blɔ nya nɛ Yesu hɛɛ ngɛ Mawu yi mi tomi mi. Se a kɛ tsɔɔmi komɛ nɛ dɛ ngmami ɔ nɔ sisi nihi fuu. Mɔbɔ sane ji kaa jɔɔmihi nɛ Baiblo ɔ de kaa nihi nɛ a ngɛ hemi kɛ yemi ngɛ Yesu mi ma ná a tsuo ma bɔ mɛ. Ke wa bua jɔ anɔkuale ɔ he ɔ, lɔ ɔ maa wo wɔ kã nɛ wa maa ye bua tsui kpakpatsɛmɛ konɛ a le slɔɔto nɛ ngɛ Yesu kɛ Mawu a kpɛti, kɛ nɔ́ nɛ Yesu ngɛ tsue ngɛ Mawu yi mi tomi mi. Wa ma ná he blɔ ngɛ Kaimi be ɔ mi nɛ waa kɛ hɛdɔ maa tsɔɔ nihi anɔkuale nɛ kɔɔ Yesu he ɔ?