Anɛ O Ma Nyɛ Maa Ye Bua Lo?

Anɛ o tsu ní ngɛ zugba kpɔ nɛ a kɛ ha we asafo ko mi hyɛ nɛ o ná jɔɔmi ngɛ jã nɛ o pee ɔ mi lo? Jeha nɛ be ɔ, fiɛɛli 747 tsu ní ngɛ zugba kpɔhi 477 nɛ a kɛ wui asafo ko dɛ ɔ a mi. Se mahi kɛ kɔpehi 8,000 sɔuu ngɛ nɛ e he hia nɛ wa tsu a mi ní ngɛ 2015 sɔmɔmi jeha a mi. Anɛ o ma nyɛ maa ye bua lo?

A ngma nɔ́ nɛ ɔ he sɛ womi kɛ ha asafohi tsuo ngɛ December 1, 2014. Ke o ma nyɛ maa ye bua nɛ a kɛ tsu zugba kpɔ nɛ ɔmɛ a mi ní ngɛ nyɔhiɔhi nɛ ngɛ wa hɛ mi ɔ mi ɔ, mo bi asafo mi nikɔtɔma amɛ, nɛ a maa tsɔɔ mo zugba kpɔhi nɛ e biɔ nɛ a tsu a mi ní. Zugba kpɔhi fuu ngɛ Brong Ahafo, Northern, Upper East, Upper West, kɛ Volta Region nɛ e sa kaa a tsu a mi ní.

Fiɛɛli nɛ a he hyɛmi su 2 kɛ ya si 20 nɛ a ngɛ si dami kpakpa ngɛ asafo ɔ mi ma nyɛ maa ngma kɛ bi, nɛ asafo ɔ ní tsumi kɔni ɔ ma ha mɛ zugba kpɔ nɛ a tsu mi ní. Ke a se kɛ ngɛ zugba kpɔ ɔ mi hluu ɔ, nyɔhiɔ etɛ. Ke nɔ ko ngɔ e he kɛ wo sɔmɔmi ní tsumi nɛ ɔ mi ngɛ sukuu blɔ hami be mi, loo ní tsumi mi he jɔɔmi be mi ɔ, e hɛ be bua jɔmi nɛ e ma ná a nɔ jee gblee. E ngɛ mi kaa zugba kpɔhi nɛ a kɛ wui asafo ko dɛ ɔmɛ ekomɛ a he kɛ, nɛ a mi ní tsumi yee mohu lɛɛ, se ke wa ye bua kɛ tsu a mi ní ɔ, nihi nɛ a suɔ anɔkuale ɔ ma ba piɛɛ wa je kɛ wɛ Kristofohi a weku ɔ he, nɛ waa kɛ mɛ tsuo maa pee kake kɛ je Yehowa yi. Ke o nyɛ nɛ o ye bua a, o ma ná jɔɔmihi babauu!​—Fiɛlɔ 11:6; Yes. 54:13.