Teokrase Sɔmɔmi Sukuu ɔ Mi Nylɔmi
Wa ma susu sane bimi nɛ ɔmɛ a he ngɛ Teokrase Sɔmɔmi Sukuu ɔ mi ngɛ otsi nɛ je sisi April 27, 2015. A ngma be nɛ a kɛ ma susu munyu ɔ eko tsuaa eko he ɔ kɛ piɛɛ sane bimi ɔ he konɛ ke daa otsi nyɛ ngɛ nyɛ he dlae kɛ ha sukuu ɔ, nyɛ nyɛ nɛ nyɛɛ pee níhi a mi hlami.
Mɛni ji suɔmi nɛ ngɛ daa a, nɛ ngɛ mɛni si fɔfɔɛhi a mi nɛ suɔmi nɛ ɔ he hia ngɛ titli? (Rut 1:16, 17) [Mar. 2, w12-E 7/1 bf. 26 kk. 6]
Mɛni he je nɛ a le Rut kaa “yo kpakpa” a? (Rut 3:11) [Mar. 2, w12-E 10/1 bf. 23 kk. 1]
Ke waa kɛ nyagbahi ngɛ kpee ɔ, mɛni blɔ nɔ nɛ Hana nɔ hyɛmi nɔ́ ɔ ma nyɛ maa ye bua wɔ ngɛ? (1 Sam. 1:16-18) [Mar. 9, w07-E 3/15 bf. 16 kk. 4-5]
Benɛ Samuel ‘ngɛ Yehowa sɔmɔe’ ngɛ e jokuɛyo mi ɔ, mɛni lɛ ye bua lɛ nɛ e kase we Eli binyumu ɔmɛ a su yaya a? (1 Sam. 2:21) [Mar. 9, w10-E 10/1 bf. 16 kk. 2-3]
Mɛni wa ma nyɛ maa kase ngɛ bɔ nɛ Saul pee e ní ha benɛ “yaka nimli” komɛ kua lɛ kaa a matsɛ ɔ mi? (1 Sam. 10:22, 27) [Mar. 23, w05-E 3/15 bf. 23 kk. 1]
Mɛni wa ma nyɛ maa kase ngɛ susumi nɛ dɛ nɛ Saul ná kaa e ma nyɛ maa sã bɔ kɛ kpata Yehowa ngɛ tue bumi nɛ e pee we ha lɛ ɔ he ɔ mi? (1 Sam. 15:22, 23) [Mar. 30, w07-E 6/15 bf. 26 kk. 3-4]
Mɛni he je nɛ lemi nɛ wa le kaa Yehowa ‘naa nɔ tsui mi’ ɔ woɔ wa bua a? (1 Sam. 16:7) [Apr. 6, w10-E 3/1 bf. 23 kk. 7]
Kaa bɔ nɛ Abɛ 1:4 tsɔɔ ɔ, mɛni wa ngɛ nɛ Yehowa suɔ kaa wa kɛ tsu ní ke waa kɛ haomihi kpe? (1 Sam. 21:12, 13) [Apr. 13, w05-E 3/15 bf. 24 kk. 4]
Mɛni he je nɛ niye ní nɛ Abigail kɛ ya ha David kɛ e we bi ɔmɛ ɔ tsɔɔ we kaa e bui e huno ɔ? (1 Sam. 25:10, 11, 18, 19) [Apr. 20, w09-E 7/1 bf. 20 kk. 3]
Mɛni wa ma nyɛ maa kase ngɛ pɛɛ nɛ Abigail kpa ngɛ nɔ́ ko nɛ e pee we he ɔ mi? (1 Sam. 25:24) [Apr. 20, w02-E 11/1 bf. 5 kk. 1, 4]