Wa Mɔde Bɔmi Ngɛ Fiɛɛmi ɔ Mi

Asafo ɔ ní tsumi kɔni ɔ nɛ a ngɛ mi blie ɔ ya nɔ saminya ngɛ December 2014 mi. Nyɛmimɛ 40 nɛ a je ma se ma slɔɔtohi 13 a nɔ, kɛ nyɛmimɛ 36 nɛ a je wa Ghana ma nɛ ɔ mi lɛ a ngɛ ní ɔ tsue piɔ. Wa he ye kaa ke jeha 2015 ke baa nyagbe ɔ, a maa gbe ní tsumi ɔ kekle fa a nya. Ngɛ fa nɛ ɔ mi ɔ, a maa ma tsu nguahi etɛ kɛ e mi hwɔ he 30. Jehanɛ hu ɔ, a kɛ klama nɛ a kɛ tsleɔ nyu mi kɛ generator ehe maa piɛɛ he. Wa kpa nyɛ pɛɛ nɛ nyɛ kai tsu mami ní tsumi nɛ ɔ ngɛ nyɛ sɔlemi mi. Nyɛ ná nɔ mi mami kaa Yehowa maa jɔɔ nyɛ ngɛ yemi kɛ buami nɛ nyɛɛ kɛ fĩɔ je kɛ wɛ ní tsumi ɔ se ɔ he.​—2 Mose 35:5, 21-24.