Wa Mɔde Bɔmi Ngɛ Fiɛɛmi ɔ Mi

Ngɛ Hɔgba, February 15, 2015 nɔ ɔ, asafo ɔ ní tsumi yi ɔ nane mi dalɔ nɛ ba slaa asafo ɔ ní tsumi kɔni ɔ tu munyu ko nɛ e yi ji “Tsui Si Tomi Haa Nɛ Wa Saa Mawu Hɛ Mi.” Nihi 45,885 lɛ a bu e munyu ɔ tue.

Nyɛmimɛ nɛ a bu munyu ɔ tue ngɛ Ga Kpe Peemi Asa a nɔ ɔ a yibɔ ji 9,338. Nihi 28,220 hu kpe ngɛ kpe peemi asa kpaago a nɔ. Jehanɛ hu ɔ, nihi 8,327 kpe ngɛ Matsɛ Yemi Asahi 31 a nɔ. A gu intanɛti ɔ nɔ kɛ je nɔ́ nɛ ya nɔ ɔ tsuo kɛ ha nyɛmimɛ nɛ a hyɛ. Enɛ ɔ ji kekle be nɛ nyɛmimɛ babauu nu munyu klɛdɛɛ nɛ ɔ eko ngɛ Matsɛ Yemi Asahi a nɔ ngɛ Ghana. Yehowa asafo ɔ ngɔ klamahi a he nile kɛ ngɛ ní tsue ngɛ nyakpɛ blɔ nɔ, nɛ Yehowa kɛ ngɛ e we bi ‘kake pee kaa tohi ngɛ to tsu mi.’​—Mika 2:12.