Adafi Fiami

◼ Womi nɛ a kɛ ma ha ngɛ November kɛ December: Mɛni Tutuutu Ji Baiblo ɔ Tsɔɔmi? loo dɛ womi nɛ nyɛɛ se nɛ ɔ kake: Kɛ O Buu Baiblo ɔ Ha Kɛɛ? (T-30), Mɛni O Susu Kaa E Maa Ba Hwɔɔ Se? (T-31), Mɛni Ji Nɔ́ Titli Nɛ Kɛ Bua Jɔmi Baa Weku Mi? (T-32), Mɛnɔ Tutuutu Nɛ E Ngɛ Je ɔ Kudɔe? (T-33), Anɛ Nɔ́ Nami Se Maa Po Ligbi Ko Lo? (T-34), Mɛni Ji Mawu Matsɛ Yemi ɔ? (T-36). January kɛ February: Sane Kpakpa Nɛ Je Mawu Ngɔ!, Bu Mawu Tue, loo Bu Mawu Tue Nɛ́ O Hi Si Kɛ Ya Neneene.

◼ Nyɛɛ pee tsakemi ngɛ otsi nɛ maa sɛ nyɛ kpokpa nɔ kpe ɔ hlami ɔ blɔ nya tomi ɔ he konɛ nyɛɛ hyɛ video nɛ yi ji, “Kpokpa Nɔ Kpe He Kaimihi” ɔ. Nyɛ nylɔ ga womi, kɛ kaimihi nɛ ngɛ video ɔ mi ɔ, kɛ sɛ womi nɛ a ngma ngɛ August 3, 2013 kɛ ya ha asafohi tsuo nɛ kɔɔ wa he nɔ nɛ wa maa hyɛ saminya ke wa ya kpehi he ɔ mi. Ke nyɛ ya kpe ɔ nyɔhiɔ kake loo enyɔ se ɔ, nyɛ ma nyɛ maa ngɔ asafo ɔ mi hiami níhi blɔ he ɔ kɛ susu oti komɛ nɛ fiɛɛli na kaa e ye bua mɛ ngɛ a fiɛɛmi ní tsumi ɔ mi ɔ a he.