Mɛnɔ Ma Nyɛ Maa Hi Yehowa Bo Tsu ɔ Mi?

Ja nɔ ko kɛ Mawu pee huɛ, nɛ e he lɛ ye, nɛ e buɔ lɛ tue loko e ma nyɛ maa hi Yehowa bo tsu ɔ mi. La 15 tsɔɔ níhi nɛ Yehowa hlaa ngɛ nihi nɛ e kɛ mɛ maa pee huɛ ɔ a dɛ.

E SA NƐ YEHOWA HUƐ . . .

• nɛ e pee nɔ ko nɛ e yeɔ Mawu anɔkuale

• nɛ e pee nɔ ko nɛ e tuɔ anɔkuale sisiisi

• nɛ e pee nɔ ko nɛ e woɔ Yehowa sɔmɔli kpahi a hɛ mi nyami

• nɛ e pee nɔ ko nɛ ke e wo si ko nɛ e nɔ yemi he wa ha lɛ po ɔ, e yeɔ nɔ

• nɛ e pee nɔ ko nɛ e yeɔ bua nihi nɛ e fi mɛ nɛ e hyɛ we blɔ kaa a maa to lɛ nane mi

E SƐ NƐ YEHOWA HUƐ . . . 

• nɛ e ye nihi a he sieku loo e gbe a he guɛ

• nɛ e pee e nyɛmi yayami

• nɛ e sisi e nyɛmimɛ kɛ ná e he

• nɛ e kɛ nihi nɛ a sɔmɔ we Yehowa, kɛ nihi nɛ a bui lɛ tue ɔ nɛ bɔ

• nɛ e ngɔ nyɔ mi ní