Moo Sɔle Ha Nyɛmimɛ Nɛ A Ngɛ Mɛ Yi Mi Wae ɔ

Baiblo ɔ gba kɛ fɔ si kaa Satan maa wa wɔ yi mi konɛ e kɛ tsi wa fiɛɛmi ní tsumi ɔ nya. (Yoh 15:20; Kpoj 12:17) Mɛni wa maa pee kɛ ye bua wa nyɛmimɛ Kristofohi nɛ a ngɛ mɛ yi mi wae ngɛ ma kpahi a nɔ ɔ? Wa ma nyɛ maa sɔle kɛ ha mɛ. “Ke nɔ nɛ peeɔ nɔ́ nɛ da fa kue ha Mawu ɔ, e tsuɔ ní saminya.”​—Yak 5:16.

Mɛni ji ní komɛ nɛ wa ma nyɛ maa sɔle ngɛ he? Wa ma nyɛ maa sɔle kaa Yehowa nɛ wo wa nyɛmimɛ ɔmɛ kã nɛ a ko ye gbeye. (Yes 41:10-13) Jehanɛ hu ɔ, wa ma nyɛ maa sɔle konɛ ma nɔ yeli ɔmɛ nɛ a ná juɛmi kpakpa ngɛ wa fiɛɛmi ní tsumi ɔ he, konɛ ‘waa hi si kpoo ngɛ tue mi jɔmi mi.’​—1Tim 2:1, 2.

Benɛ a ngɛ Paulo kɛ Petro yi mi wae ɔ, a nyɛmimɛ Kristofohi sɔle ha mɛ. (Níts 12:5; Rom 15:30, 31) Ke wa li nyɛmimɛ nɛ a ngɛ mɛ yi mi wae mwɔnɛ ɔ a biɛ po ɔ, wa ma nyɛ maa wo asafo, loo ma nɛ a ngɛ mi ɔ biɛ ta ngɛ wa sɔlemi mi?

Moo ngma mahi nɛ a ngɛ nyɛmimɛ yi mi wae ngɛ lejɛ ɔ nɛ o maa suɔ kaa o maa sɔle kɛ ha nyɛmimɛ ɔmɛ a biɛ.