KRISTOFOHI A SI HIMI
Mo Je Bumi Kpo Ngɛ Sinya a Nya
Kristofohi ngɛ kaa ‘nihi nɛ je ɔ ngɛ mɛ hyɛe ngɛ fiɛmi he.’ (1Kor 4:9) Enɛ ɔ he ɔ, e pee we wɔ nyakpɛ kaa wetsɛ komɛ daa sinya se kɛ buɔ wɔ tue, aloo a hyɛɔ wɔ ngɛ saflɛ mi. Wetsɛ komɛ po ngɛ kamara kɛ maikrofon nɛ haa nɛ a nyɛɔ naa wɔ loo a buɔ wɔ tue, aloo a nuɔ munyu nɛ wa tuɔ ɔ kɛ fɔɔ klama nɔ. O ma nyɛ maa pee níhi nɛ nyɛɛ se nɛ ɔ kɛ je bumi kpo kɛ tsɔɔ wetsɛ ɔ ke o ngɛ fiɛɛe ngɛ sinya nya.—2Kor 6:3.
O NÍ PEEPEE (Flp 1:27):
E sɛ nɛ o kpa o kuɛ mi kɛ hyɛ we ɔ mi, loo tsu ɔ mi, loo saflɛ ɔ mi. Ke o daa si ngɛ sinya nya a, koo ye ní, koo nu ní, koo fia nɔ ko ngɛ fon nɔ, nɛ koo mane nihi sɛ gbi hulɔ
O MUNYU TUMI (Efe 4:29):
Ke o su sinya a nya a, koo tu munyu ko nɛ e sɛ kaa wetsɛ ɔ nɛ nu. Fiɛɛli komɛ po suɔ kaa a ma susu nɔ́ nɛ a ma de wetsɛ ɔ he loko a ya su sinya a nya, enɛ ɔ he ɔ, ke a ngɛ nɔ́ ko sɛɛe ɔ, a poɔ nɔ