KRISTOFOHI A SI HIMI
Intanɛti Nɔ Huɛ Bɔmi Hehi—Yu O He Ngɛ Oslaahi Nɛ Ngɛ He Ɔmɛ A He
NƆ́ HE JE NƐ E HE HIA: Kaa bɔ nɛ e ji ngɛ ní tsumi klamahi fuu a blɔ fami ɔ, intanɛti nɔ huɛ bɔmi hehi ma nyɛ maa ye bua, nɛ e ma nyɛ maa ye awi hulɔ. Kristofohi komɛ hla kaa a kɛ intanɛti nɔ huɛ bɔmi hehi be ní tsue. A kpɛti ni komɛ hu kɛ a huɛmɛ kɛ a weku li sɛɛɔ ní kɛ guɔ intanɛti nɔ huɛ bɔmi hehi. Se kɛ̃ ɔ, Abosiami sume nɛ waa ngɔ intanɛti nɔ huɛ bɔmi he nɛ ɔmɛ kɛ tsu ní ngɛ nile mi, nɛ enɛ ɔ ma nyɛ ma puɛ biɛ kpakpa nɛ wa ngɛ, kɛ huɛ bɔmi nɛ ngɛ waa kɛ Yehowa wa kpɛti ɔ. Kaa bɔ nɛ Yesu pee ɔ, wa ma nyɛ maa ngɔ sisi tomi mlaahi nɛ ngɛ Mawu Munyu ɔ mi ɔ kɛ tsu ní kɛ yɔse oslaa nɛ ɔmɛ konɛ waa yu wa he ngɛ a he.—Luk 4:4, 8, 12.
OSLAAHI NƐ E SA NƐ WA YU WA HE NGƐ A HE:
Be fuu puɛmi ngɛ intanɛti nɔ huɛ bɔmi hehi. Ke o puɛɔ be fuu ngɛ intanɛti nɔ huɛ bɔmi hehi ɔ, e be hae nɛ o ná be kɛ ha Mawu jami mi ní peemihi.
Baiblo sisi tomi mlaahi: Efe 5:15, 16; Flp 1:10
Níhi nɛ sɛ a hyɛmi. Ke o hyɛɛ fonihi nɛ sɛ ɔ, e ma nyɛ ma ha nɛ bɔmi nami he foni hyɛmi nɛ tlɔ o he, nɛ lɔ ɔ ma nyɛ ma ha nɛ o ya bɔ ajuama. Ke o kaneɔ hemi kɛ yemi kuali a munyuhi nɛ ngɛ intanɛti ɔ nɔ ɔ, e ma nyɛ ma puɛ o hemi kɛ yemi.
Munyuhi loo fonihi nɛ sɛ nɛ o kɛ maa fɔ nɔ. Akɛnɛ tsui ɔ sisi ɔ nɔ he je ɔ, eko ɔ, nɔ ko ma nyɛ maa ngɔ fonihi loo munyuhi nɛ sɛ kɛ fɔ intanɛti nɔ huɛ bɔmi hehi nɛ ɔmɛ a nɔ. Se kɛ̃ ɔ, nɔ́ nɛ ɔ ma nyɛ ma puɛ biɛ kpakpa nɛ nɔ ko ngɛ, loo e tɔ̃tɔ̃ e nane.
NYƐƐ HYƐ VIDEO NƐ JI O KƐ INTANƐTI NƆ HUƐ BƆMI HEHI NƐ TSU NÍ NGƐ NILE MI, LƆ Ɔ SE Ɔ NYƐ SUSU BƆ NƐ WA MA PLƐ KƐ KUA SI FƆFƆƐHI NƐ NYƐƐ SE ƆMƐ A HE: