JUETLI NƐ NGƐ MAWU MUNYU Ɔ MI | 1 KORINTO BI 10-13

Yehowa Yeɔ Anɔkuale

Nyɛmiyo ko ngɛ ka ko nɛ e kɛ ngɛ kpee ɔ he susue, e sɔle ngɛ he, nɛ lɔ ɔ se ɔ, e ya piɛɛ nyɛmiyo ko he kɛ ya fiɛɛmi

Yehowa ma nyɛ maa hla kaa e ma je ka ko nɛ waa kɛ ngɛ kpee ɔ kɛ je; Se kɛ̃ ɔ, behi fuu ɔ, e ‘jeɔ blɔ’ kɛ gu níhi nɛ wa hia nɛ e haa wɔ ɔ nɔ konɛ wa nyɛ nɛ wa fĩ si kɛ da ka a nya.

E ma nyɛ maa ye bua wɔ konɛ wa susu níhi a he saminya, nɛ e ma nyɛ maa wo wɔ he wami nɛ́ e wo wa bua kɛ gu e Munyu ɔ, e mumi klɔuklɔu ɔ, kɛ mumi mi niye ní nɛ e haa wɔ ɔ nɔ.—Mat 24:45; Yo 14:16, sisi ningma; Ro 15:4
E kɛ e mumi klɔuklɔu ɔ ma nyɛ maa tsɔɔ wɔ blɔ nɛ e kɛ maa ye bua wɔ nɛ wa kai Baiblo mi sanehi kɛ sisi tomi mlaahi konɛ wa nyɛ nɛ waa mwɔ yi mi kpɔ nɛ da.—Yo 14:26
E ma nyɛ ma ha nɛ e bɔfo ɔmɛ nɛ a ye bua wɔ.—Heb 1:14
E ma nyɛ maa ye bua wɔ kɛ gu wa nyɛmimɛ Kristofohi a nɔ.—Kol 4:11