“Wa Kɔni Mi Wui Nyu”

4:16-18

Mo susu wekuhi enyɔ nɛ a ngɛ we ko nɛ e se kɛ, nɛ e puɛ kulaa mi ɔ he nɛ o hyɛ. Weku ɔ kake mi bimɛ ngɛ tsui yee wawɛɛ. Se nyakpɛ sane ji kaa, weku kpa a mi bi ɔmɛ lɛɛ a ngɛ bua jɔmi. Mɛni he je? Ejakaa e be kɛe kulaa nɛ a maa hia kɛ ya je we ehe ko nɛ ngɛ fɛu ɔ mi.

E ngɛ mi kaa “adebɔ ní ɔmɛ tsuo bla kɛ ngɛ kɛmɛe, nɛ a bla kɛ ngɛ piie kɛ ba si amlɔ nɛ ɔ” mohu lɛɛ, se hɛ kɛ nɔ fɔmi nɛ Mawu sɔmɔli ngɛ ɔ haa nɛ a fĩɔ si. (Ro 8:22) Wa le kaa nyagbahi nɛ waa kɛ kpe kɛ je blema, kɛ ni nɛmɛ nɛ waa kɛ ngɛ kpee amlɔ nɛ ɔ tsuo “se be kɛe nɛ e mi jiɔ we” ke waa kɛ to neneene si himi nɛ wa ma ná ngɛ Mawu je ehe ɔ mi ɔ he. Ke wa ngɔ wa hɛ kɛ fɔ jɔɔmihi nɛ Matsɛ Yemi ɔ kɛ maa ba a nɔ ɔ, e maa ye bua wɔ nɛ wa ma ná bua jɔmi nɛ wa kɔni mi be nyu woe.