Ngɛ ‘Mio Nɛ Ngɛ O He Lo ɔ Mi’ ɔ Tsuo Se ɔ, O Ma Nyɛ Maa Ye Manye!

Ngɛ nyagbe ligbi nɛ ɔmɛ a mi ɔ, Mawu sɔmɔli kɛ nyagbahi nɛ a ngɛ kaa mio nɛ a nya dami yee ɔ ngɛ kpee wawɛɛ. (2Ti 3:1) Se kɛ wa ma plɛ kɛ ngɔ wa hɛ kɛ fɔ Yehowa nɔ konɛ wa nyɛ nɛ waa da nyagba nɛ ɔmɛ a nya ha kɛɛ? Nyɛɛ hyɛ video nɛ ji “Hɛ Yuyuili Maa Hyɛ Nɔ́” ɔ, nɛ nyɛɛ hyɛ nɔ́ nɛ Talita Alnashi kɛ e fɔli ɔmɛ pee. Lɔ ɔ se ɔ, nyɛ ha sane bimihi nɛ nyɛɛ se ɔmɛ a heto:

• Mɛni ji Talita “he lo ɔ mi mio” ɔ?

• Mɛni Baiblo mi si womihi lɛ ye bua Talita kɛ e fɔli ɔmɛ nɛ a ná juɛmi nɛ da a?

• Benɛ a pee Talita operation ɔ se ɔ, mɛni e fɔli ɔmɛ pee kɛ tsɔɔ kaa a ngɔ a hɛ kɛ fɔ Yehowa nɔ?

• Kɛ Talita fɔli ɔmɛ ngɔ níhi nɛ asafo ɔ peeɔ kɛ tsu ní kɛ ye bua Talita ha kɛɛ konɛ e ná suɔmi kɛ ha Mawu?

• Ngɛ mio nɛ ngɛ Talita he lo ɔ mi ɔ tsuo se ɔ, mɛni e pee kɛ tsɔɔ kaa huɛ bɔmi kpakpa ngɛ e kɛ Mawu a kpɛti?

• Kɛ Talita nɔ hyɛmi nɔ́ ɔ wo mo he wami ha kɛɛ?