Kɛ Yehowa Maa Nu He Ha Kɛɛ?

Loko wa maa mwɔ yi mi kpɔ ngua loo nyafii ɔ, e sa nɛ wa bi wa he ke, ‘Kɛ Yehowa maa nu he ha kɛɛ?’ E ngɛ mi kaa wa be nyɛe maa le Yehowa susumihi tsuo mohu lɛɛ, se e gu e Munyu ɔ nɔ nɛ e ha nɛ wa le níhi nɛ ma dla wɔ kɛ ha “ní tsumi kpakpa fɛɛ ní tsumi kpakpa” (2Ti 3:16, 17; Ro 11:33, 34) Yesu le níhi nɛ Yehowa suɔ, nɛ e kɛ ní nɛ ɔmɛ pee nɔ́ titli ngɛ e si himi mi. (Yo 4:34) E sa nɛ waa kase Yesu, nɛ waa bɔ mɔde nɛ waa mwɔ yi mi kpɔhi nɛ maa sa Yehowa hɛ mi.​—Yo 8:28, 29; Efe 5:15-17.

NYƐƐ HYƐ VIDEO NƐ JI YAA NƆ NƐ O YƆSE YEHOWA SUƆMI NYA NÍ (3MO 19:18), LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• Mɛni he je nɛ e sa kaa waa kɛ Baiblo sisi tomi mlaahi nɛ tsu ní ngɛ wa si himi mi ɔ?

• Mɛni Baiblo sisi tomi mlaahi nɛ e sa kaa a kudɔ lahi nɛ wa buɔ tue?

• Mɛni Baiblo sisi tomi mlaahi nɛ e sa kaa a kudɔ wa tade womi kɛ wa he dlami?

• Mɛni si fɔfɔɛ kpahi a mi nɛ e sa kaa waa ngɔ Baiblo sisi tomi mlaahi kɛ tsu ní ngɛ?

• Mɛni wa ma nyɛ maa pee konɛ waa ya nɔ nɛ waa le Yehowa suɔmi nya ní?