JUETLI NƐ NGƐ MAWU MUNYU Ɔ MI | 2 TƐSALONIKA BI 1-3
A Ma Je Nɔ Nɛ E Yi Mlaa Nɔ ɔ Kpo
Mɛni Paulo ngɛ tsɔɔe ngɛ ngmami nɛ ɔ mi?
“Nya tsimi nɔ́ ɔ” (kk. 6)—E ma nyɛ maa pee bɔfo ɔmɛ
“Je lɛ kpo” (kk. 6)—Ngɛ bɔfo ɔmɛ a gbenɔ se ɔ, Kristofohi nɛ a kua hemi kɛ yemi ɔ je a osato peemi ɔ kɛ a lakpa tsɔɔmi ɔmɛ kpo heii
“Mlaa nɔ nɛ a yi nɛ ɔ he laami sane ɔ” (kk. 7)—“Nɔ nɛ e yi mlaa nɔ ɔ” ji kpo heii nɛ a na ngɛ Paulo be ɔ mi
“Nɔ nɛ e yi mlaa nɔ ɔ” (kk. 8)—Mwɔnɛ ɔ, mɛ ji osɔfohi nɛ a ngɛ jamihi nɛ a tsɛɛ a he ke Kristofohi ɔ a mi
‘Nyɔmtsɛ Yesu maa gu e bami ɔ he kpo jemi ɔ nɔ kɛ kpata [nɔ nɛ e yi mlaa nɔ ɔ] hɛ mi’ (kk. 8)—Yesu ma ha nɛ a na heii kaa e ji Matsɛ ngɛ hiɔwe kɛ gu Satan blɔ nya tomi ɔ kɛ “nɔ nɛ e yi mlaa nɔ ɔ” nɛ Yehowa ma ha e kpata a hɛ mi ɔ nɔ.
Kɛ ngmami nɛ ɔ wo mo he wami konɛ o kɛ kã kɛ oya yemi nɛ fiɛɛ ha kɛɛ?