Mɛni Lɛ E He Hia Mi Pe Kulaa Ngɛ Ye Si Himi Mi?

Yakob kɛ bɔfo ko fia atlibo konɛ Yehowa nɛ jɔɔ lɛ. (1Mo 32:24-31; Hos 12:3, 4) Wɔ hu nɛɛ? Anɛ wa ngɛ mɔde tsuo nɛ wa ma nyɛ bɔe konɛ waa bu Yehowa tue nɛ e jɔɔ wɔ lo? Kaa nɔ hyɛmi nɔ́ ɔ, ke e he ba hia nɛ waa mwɔ wa yi mi kpɔ ngɛ asafo mi kpe nɛ wa maa ya kɛ be fuu nɛ waa kɛ ma tsu he lo nya ní tsumi ko ɔ he ɔ, te nɛɛ nɛ wa maa hla? Ke wa ngɔ wa be, wa he wami, kɛ níhi nɛ wa ngɛ ɔ kɛ sɔmɔ Yehowa a, e ma ha nɛ ‘ní kpakpahi babauu maa nɛ ngɔ pue wa nɔ babaaba kaa hiɔmi.’ (Mal 3:10) E maa tsɔɔ wɔ blɔ, e maa po wa he piɛ, nɛ e ma ha wɔ wa hiami níhi.​—Mat 6:33; Heb 13:5.

NYƐƐ HYƐ VIDEO NƐ JI, YAA NƆ NƐ O DI MUMI MI OTIHI A SE, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• 

  Ngɛ mɛni blɔ nɔ nɛ nɔ́ nɛ nyɛmiyo ɔ suɔ ɔ ba pee ka kɛ ha lɛ?

• 

  Ngɛ mɛni blɔ nɔ nɛ ní tsumi nɛ wa tsuɔ ɔ ma nyɛ maa pee ka kɛ ha wɔ?

• 

  E ngɛ mi kaa Timoteo wa ngɛ mumi mi mohu lɛɛ, se mɛni he je nɛ e he hia nɛ e ya nɔ nɛ e ngɔ otihi kɛ ma e hɛ mi ɔ?​—1Ti 4:16

• 

  Mɛni wa maa pee kɛ tsɔɔ kaa wa le ‘ní tsumi nɛ he hia pe kulaa a?’